Eri taqim uwach ri’ are rech katerenb’exik ri cholchak rech ya’olchajinik che ri katajin upatanixik rumal ri Ministerio rech Salud ri’, rech keq’axax ta chik e ajpche’ pa taq ja rech kunanib’al yowab’ pa nimatinamit ri’ xuquje’ rech k’o ya’olchajinik chi ke taq yowab’, chi ke taq kachalal, chi ke taq ketob’an chi’ xuquje’ chi ke ri ajkun ri’, rumal ri’ eri Ministro rech Gobernación, Francisco Rivas Lara, xk’oji pa jun molin ib’ chomanik ruk’ ri viceministro Administrativo rech Salud, Edgar González, ri q’atb’altzij rech ri Hospital Roosevelt xuquje’ kuk’ ri e ajkun chi’.

Eri Rivas Lara xuya’ ub’ixik che xkib’an ri chomanik rech kakilo we kanimax ri’ ri ub’anikil ya’olchajinik xuquje’ rech kakitzijob’ej kuk’ ri q’atb’altzij rech Salud ri’ pa le chomanik ketajin che uterenb’exik chi rij kik’amik b’ik ri e ajpache’ pa taq kunanib’al yowab’ ri’.

Xuquje’ xub’ij che xmolin kuk’ taq ri e ajkun kechakun pa le Hospital Roosevelt, are rech kaya’ ub’ixik ronojel ri katajin ub’anik rech ri utzalaj ya’olchajinik ri’ rech keq’axax ta chik e ajpache’ ri’.

Eri ub’anikil ya’olchajinik ri’

Xub’ij chik eri ub’anikil ya’olchajinik rumal ri Wokajil Ajchajil Tinamit kojom chik, are pa amaq’el ri’ xuquje’ are wa’ kojom kumal ri Ministerio rech Salud, ruk’ ri rech Defensa, ruk’ ri e ajchak e taqom chi’ xuquje’ ruk’ ri Wokajil Japache’ xuquje’ katajin uchomaxik rech keq’axax ta chik ri e ajpache’ pa taq kunanib’al yowab’ ri’.

Xub’ij chik che are katajin rilik ruk’ ri q’atol tzij che ri ketaqon kech ri e ajpache’ ri’, rech kakitaq ta chik ri’ rech b’a’ kakinimaj ri xtaq ub’ixik chi ke rumal ri’ xtaq ukojik b’insam uwach b’anow kunanem ri’ rumal ri Ministerio rech Salud pa Fraijanes xuquje’ pa le Preventivo rech ri zona 18, ruk’ jun ya’b’al nab’e ilonem chi ke ri’ rech xaq ta ketaq ta chik ri’ wexa’ kaq’oxow kijolom, kipam xuquje’ wexa’ k’o k’aqat chi ke ri’.

Rumal ri’ eri Viceministro Administrativo rech ri Ministerio rech Salud, Edgar González xub’ij che xuya’ ub’ixik er molaj e ajkun rech ri Hospital Roosevelt, rumal ri’ katajin rilik rech ri ya’olchajinik ri’ ruk’ ri ilonem chi ke rech wexa’ tane’ k’o kek’am wi b’ik ri e ajpache’ ri’.

Xuquje’ xya’taj ub’ixik ri’ che rumal ri b’anow k’ax xb’antaj pa le kunanib’al rech ri Roosevelt, majun ta chik ajpache’ ri’ xk’am pa le San Juan de Dios ri’, eri kub’ij ri Wokajil Japache’ ri’ katajin ub’anik jun nim tijowchuq’ab’ rech ub’anik utz chomanik kuk’ ri q’atol tzij ri’, are rech kilik we k’o ronojel ri wujil pa saqil che ri taqom uta’ik rumal ri taqanik ri’.

COMPARTIR