“Ri Horacio are jun utzalaj ajk’uta’n chi ke ri winaq tinamit e aj iximulew ri’”

645

Eri Viceministro Antinarcótico, Oscar Dávila Mejicanos, xunimaj ri utzij ub’im kanoq pa le ub’antajil ri loq’ Horacio Gámez, ri ronojel ranima’ xtatb’enik pa le ukaj loq’ cholb’inem ub’i’ “Ri’in in k’aslik ma rumal ta utijik Awan Kunb’alil, At b’a’ katchomanik”, are wa’ xwok ub’antajik rumal ri Subdirección General rech Q’atel b’anow k’ax ri’ rech pa le uwokajil ajchajil tinamit ri’.

Eri Horario Gámez are jun ajxik’anel pane’ k’o k’ax uraqom pa le uch’akul ri’ ri are uya’om ranima’ pa le tijow anim pa le uk’aslemal ri’, rumal ri’ ri are xtatb’enik pa jun loq’ tijob’al anim ub’i’ “Ri’in in k’aslik ma rumal ta utijik Awan Kunb’alil, At b’a’ katchomanik”, pane’ b’a’ xopan pa uk’isb’al ri’ xukoj uchuq’ab’ rech xuk’is rib’ pa le tijob’al anim ri’.

We jun chol xik’anem ri’ k’o jun ch’akb’al xuya’ che pa le ub’antajil jacha’ ri are ri’ xuquje’ pa le utzijonik xuya’’o xuta ri’ ri tob’anik chi ke ri q’atb’altzij ri’ rech kakiya’o ujastaq rech kuterenb’ej ri tatb’enem pa le etz’enb’alil ri’.

Are wa’ jun ta’b’al xub’ano rech kuq’ap ranima’ ri Viceministro Dávila ri xub’ij kuya’o ri kurayij ri loq’ Horacio ri’ rech b’a’ kakowinik kuterenb’ej rij ri utatb’enik pa le cholxik’anem ri’ rumal ri’ xjach ri jun juk’ulaj uxajab’ rech b’anow xik’anem ri’, ruk’ ri ratz’iyaq xuquje’ kuchb’al ujolom ri’.

“Eri Horacio are wa’ jun ajk’uta’n rech kakiterenb’ej ri loq’ ub’anob’al chi kuwach ri winaq tinamit e aj iximulew ri’, xa’rumal kaqilo ruk’ ri are, jun loq’ k’utb’al rech che we jun k’o le karaj kakowin ri’ che ub’antajik ri’”, xcha’ ri Dávila.

Eri ajxik’anel ri’ sib’alaj xumaltyoxij ri tob’anik ya’om che rumal ri’ Viceministro ri’ xuquje’ xq’alajin che ri are che k’o jun nim ki’kotemal pa ranima’ rumal ri sipab’al xya’taj che are wari’ kuk’utu chi ke ri alab’om alitom che pane’ b’a’ k’ax kuch’ak wi jun kakowin ri’ kuraqo ri rachik’am ri’.

“Are wari’ kub’an chaqe rech kojtatb’en pa le cholxik’anem ri’, k’o chik lajuj junab’ ri’ kintajin pa le xik’anem ri’, pane’ intz’aqatinaq taj rumal k’o sikirik pa le waqan rech wikiq’ab’, man rumal ta ri’ kink’oji ta pa ke tijowanim ri’”, xcha’ ri Gámez.

 

COMPARTIR