Ri Ministro Rivas xopan che usolixik ri yakon k’olib’al rech ri ya’olchajinik pa Teculután ri’

237

Are wa’ uwach jun ub’eyal ya’el uchuq’ab’ ri Wokajil Ajchajil Tinamit ri’, rumal ri’ eri Ministro rech Gobernación, Francisco Rivas Lara xuya’ ub’ixik che keyak na wuqub’ kik’olib’al e ajchajil tinamit rech Zacapa, Sololá, Quiché xuquje San Marcos.

Eri Ministro Rivas ruk’ri K’amal b’e rech ri PNC, Nery Ramos Ramos, xe’opan pa jun nimsolin chak pa le tinamit rech Teculután, Zacapa ri’ che ri kayak wiri’ jun kik’olib’al e ajchajil tinamit ri’.

“Pa le tinamit rech Teculután ri’, chi’ kojtajin wiri’ uya’ik rachoch jun comisaría, rumal ri’ eri jun solinik uj k’o wi chi’ are rech kaqilo uwach ri chak katajin ri’ chi’, rumal are wari’ kaqak’is ub’anik pa le ik’ noviembre ri’”, xcha’ ri Rivas.

We jun cholchak ri’ rech yakonik ri’ are katajin uya’ik ruk’ upwaqil uya’m ri’ rumal ri’ Programa rech Apoyo che ri Sector Justicia Penal ri pa ronojel are ri’ rajil Q5 millones 600 mil chi pwaqilem pa amaq’ ri’ rech kayakik jun wokomja oxib’ upam raq’anib’al ri’ rech kakoj che jachakunb’alil ri’, jun rech kechomax winaq kiraqom k’ax ri’ xuquje’ eri nik’aj chik rech kakikoj eqa’lenelab’ achijab’ xuquje’ ixoqib’ ri’ e 80 ri’ kek’oji chupam ri’.

Eri Ministro Rivas xub’ij we jun uk’olib’al comisaría ri’ are kayakik rech kataqixik jun utzalaj ya’olchajinik chi ke ri winaq tinamit chi’ xuquje’ rech kaq’atexik ri b’anow taq k’ax chi’.

We jun k’ak’ rachoch ri PNC kak’oji ri’ pa le Caserio El Paraíso, pa tinamit rech Teculután, Zacapa; pa jun juyub’ ri’ che ri xusipax ri’ rumal ri Q’atb’altzij chi’, jeri’ xuya’ ub’ixik ri Ajkalte Gustavo Adolfo Pérez Perdomo ri’.

“Are wa’ xchomatajik rech xsipax we jun peraj juyub’ ri’, rumal k’ut are ri tinamit kub’ij ri’ che utz xub’an ri taqawokaj chi’, eri echanem ri’ are k’o nim kupatanij che ri tinamit ri’”, xcha’ ri Ajkalte Pérez.

Eri wuqub’ kik’olib’al e ajchajil tinamit ri’ are katajin kiyakik pa taq ri tinamit rech Gualán xuquje’ pa Teculután ri’ chi’ k’u ri’ katajin wi uyakik keb’ comisarías xuquje’ keb’ ri’ jun pa Usumatlán xuquje’ pa San Jorge pa tinamit rech Zacapa xuquje’ oxib’ ri’ jun pa Neb’aj, Quiché; jun chik pa San Rafaél Píe de la Cuesta, San Marcos xuquje’ jun chik pa Sololá, eri rajil pa ronojel are wari’ Q14 millones 519 mil 185.26 ri’.

Eri k’amal b’e rech ri PNC, Nery Ramos xuya’ ub’ixik che ri k’ak’ taq uk’olib’alil ya’olchajinik ri’ chi’ kek’oji wiri’ ri e ajchak ri e rajawaxik kekoj ri’, ruk’ chakub’al rech no’jb’anem, xuquje’ ruk’ taq ch’ich’ jacha’ taq autopatrullas xuquje’ kejach’ich’ ri kakoj pa le kiq’atexik ri b’anol taq k’ax pa taq le tinamit ri’.

COMPARTIR