Eri Nimatinamit Iximulew are jun chi ke tinamit che qajinaq wi pa 72% rech 163 chi tinamit pa uwachulew che ri terenb’em rilik rajlab’al qajinaq wiri’ ri b’anow kamisanik ri’, jeri’ ub’ixikil uya’om urmal ri SDG16, are ubanikil ub’ixik xya’taj rumal ri Instituto rech Jastaq Q’inomal xuquje’ rech Joremal ri’ (IEP, ub’i’ pa inglés ri’).

“Eri oxk’al kab’lajuj che ri jo’k’alib’alil ub’ij ri’ rech taq pa taq tinamit che ri terenb’em kij rumal ri IEP are xk’ulmataj pa le rajilab’al kamisanik rech pa taq k’isb’al taq junab’ ri. Eri rajilab’alil qas nim xk’ulmataj chi la’ pa Irak xuquje’ Jamaica, ruk’ nim taq b’anow k’ax kamisan winaq ri’ pa Colombia, Guatemala xuquje’ Paraguay, rumal ri’ k’o nim xq’aten wi che ri taq Américas”, xcha’ pa le wujilal ri’.

Eri ub’ixikil xya’taj rumal we jun nuk’wokajil ri’, ri k’o pa Sydney, (Australia) xuquje’ ri k’o rachoch jachakunb’al pa Nuevo York (Estados Unidos), ), La Haya (Países Bajos), pa Uk’u’x Nimatinamit rech México (México) xuquje’ Bruselas (Bélgica), qas chi’ k’o wi che ub’anik uchak patan rech ri Utaqib’al ri Desarrollo Sostenible 16 (SDG 16, are ub’i’ inglés ri’), rech kuwa’lijsaj kuwach ri komonb’al winaqil pa joremal ri’, e are k’ut e ajb’anol upatanixik pa juntir taq ri’.

Eri wujilal ri’ are kuril rij che ri Iximulew ri’ jun rachib’al chi ke ri jo’ob’ nimatinamit che ri tajin kak’ulmataj wiri’ utzalaj taq chak patan pa le q’atel b’anow taq kamisanik ri’, ruk’ ri xqaj pa le 12.41 chi ke jujun taq 100 chi uwinaqil ri’, are etab’anik kb’an ruk’ taq tzijol che k’amow uwach k’a pa le 2005 k’a pa we q’ij ri’.

Eri tzijol esam pa retalil rech ri taqawokaj pa amaq’ rumal ri Ministerio rech Gobernación, ri uk’amom ub’e rumal r Francisco Manuel Rivas Lara, kub’ij ri’ che k’o xqaj loq pa rajilab’al ri’, rumal k’ut e pa k’isb’al rech 2015 xopan ri’ pa 29.78 ch b’anow kamisan winaq ri’ che jujun 100 chi winaqilal tinamit ri’, e pa jun chik junab’ ri’ are xutz’apij ri’ ruk’ 27.25 che jujun taq 100 chi winaqil tinamit ri’. Pa 17 rech ik’ septiembre kanoq are xqaj loq pa 18.98 che jujun taq 100 mil chi winaqil tinamit ri’.

Are wa’ kub’ij k’ut che aretaq xmajtaj ri chak rech pa taqawokaj ri’ pa le Taqawokajnem rech Ya’olchajinik ri’ eri rajilab’al tzijol ri’ are xopan pa 4,818 winaq xekamisax ri’. E pa jun junab’ chik eri rajilab’al ri’ are xqaj loq pa 4,509 chi kamisanik ri’ e k’a pa le 17 rech  septiembre kanoq ri’ are ri’ k’o pa 3,213 rajilab’al ri’.

Pa le rajilab’al ri’ are kub’ij che ri Nimatinamit Iximulew ri’ tajin katob’anik rech kuraq ri SDG ri’, are qas kuya’ ub’ixik che qas juntir pa rajilab’al ri’ are xqaj loq chi rij ri ub’anikil b’anow k’ax kamisanik ri’.

COMPARTIR