Eri taqim rij ri’ are k’o jun nim q’atenik chi ke ri ajk’ayin awan kunb’alil pa we amaq’ ri’, rumal ri’ we kamik sib’alaj xetijoxik e 32 chi eqa’lenelab’ rech ri Wokajil Ajchajil Tinamit ri’, ri q’eq kipwi’ rech ke’uk’utu che e eqa’lenelab’ e q’atel awan kunb’alil ri’ aretaq kakik’is retal tijob’en ib’ chi ke ri’ rech kek’oji pa le COAN.

Eri Uro’ Viceministro, Oscar Dávila Mejicanos achb’ilam rumal ri Comisaria Yodzaida García rech ri Subdirección General rech  Análisis rech Información Antinarcótica (SGAIA) xetatb’en pa le kiya’b’al keqale’nib’al ri uwuqlajuj puq chi eqa’lenelab’ rech q’atel awan kunb’alil ri’.

“E 32 eqa’lenelab’ we kamik xkik’is ri retal tijob’en ib’ chi ke ri kepe kakitunu kib’ kuk’ konojel ri ya’olchajinik rech q’atel k’ayin awan kunb’alil pa we amaq’ ri’ are wa’ kupatanij ri tijob’enik xya’taj chi ke rech keb’e pa juntir q’atenik pa taq nimab’e pa uxo’l ja pa juntir tinamti ri’”, xcha’ ri Dávila.

Eri eqa’lenel Cabrera are jun chi ke ri e 32 xkik’am reqaplib’al tijob’en ib’ ri’, ri e are ri’ sib’alaj k’ax xkitijo che resaxik ri retal tijonem ri’ rumal k’ut xekoj pa k’axalaj taq b’anikil ri’.

“Eri b’anow taq tijonik ri’ are sib’alaj k’ax rok’owisaxik xkib’an ri’, jeri’ ri tijow anim ruk’ ri tijow chuq’ab’, rech b’a’ xetab’axik uchuq’ab’ chomab’al, uchuq’ab’ ch’akulab’ ruk’ ri nik’aj chik etab’anik xujkoj wiri’”, xcha’ ri eqa’lenel Cabrera.

Eri 32 k’ak’ eqa’lenelab’ k’a chi’ k’u ri’ xetijoxik rech ke’ok pa le SGAIA xuquje’ e are ri’ kejach pa taq uwokajil ri q’atel awan kunb’alil ri’.

Eri retal tijb’enik chi ke ri eqa’lenelab’ rech q’atel awan kunb’alil ri’ ri k’o jo’ob’ ik’ kumaj b’ik ri’, rech kekowir che reta’maxik ri kichak patan ri eqa’lenelab’ che ri kek’oji pa we amaq’ ri’.

COMPARTIR