Eri Ministro rech Gobernación Francisco Rivas Lara, xuq’alajisaj ub’ixik che man k’ot pa chak ruk’ ri Ministerio Público (MP), are wa’ xuya’ ub’ixik xa’rumal ri xb’itaj we kamik rumal ri Fiscal General Thelma Aldana che ri are resam b’ik rib’ pa chak chi’ man k’ot rajil k’ut katoj pa le MP.

Eri Rivas xuya’ ub’ixik che pa q’axal tzijolinem che kukajmaj uto’ik ri xya’taj ub’ixik ri’ xuquje’ man reta’m ta ri are jasche xb’ixik je wa’. Eri ajpatanel ri’ tz’ib’atal pa wujil che pa le 12 q’ij rech ik’ enero, pa wujil xuya’ ub’ixik che xresaj rib’ pa chak chi’ che ri reqale’n rech Nab’e Ukab’ Ajtz’ib’anel rech ri Secretaría General pa le Wokajil Q’atb’altzij ri’, xub’ij ri’ che karesaj rib’ rumal k’o nik’aj chik chomanik kub’ano pa rech wi. Eri xresaj rib’ ri’ are utz xcha’ ri fiscal Aldana ri’, chupam ri wujil esab’al rib’ ri’ kub’ij wi le q’ij xresaj rib’ ri’ xuquje’ rumal ri’ sib’alaj xumaltyoxij che ri Rivas ri’ le uchak xuya’ kan pa le wokajil q’atb’altzij ri’.

Junam ri’ xub’an ri Viceministro rech Seguridad Ricardo Aníbal Guzman Loyo, xuk’ulaj jun wujil xjach che utaqim b’ik che rumal ri K’amal b’e rech Recurso Humanos rech ri MP rech xk’uluxik che Ukab’ Subsecretario General rech ri Secretaría General ri’. Pa le saq wujil ri’ xya’ ub’ixik che xchup uwach kichak kipatan ruk’ ri Ministerio Público ri’.

COMPARTIR