Eri Rivas xub’ij: “Eri uwokik ri k’ak’ taqanem pa Japache’ man katanab’ taj”

95

Eri Ministro rech Gobernación, Francisco Rivas Lara, xub’ij eri “ri uwokik ri k’ak’ taqanem pa Wokajil Japache’ man katanab’ tana, are b’enaq, kojpa’ b’enaq, are wa’ xa’rumal katajin k’i uchomaxik kab’an na chi rij ri’ xuquje’ are wa’ ri k’o ronojel chakunem chi rij ri’”, aretaq xchomatajik aretaq xtanab’ax uwach ri’ pa le jun juyub’al k’o pa le Complejo rech guatel, ri katajin uyakik ri’ kumal ri cuerpo rech ingenieros rech ri Wokajil Ajchajil Amaq’ Iximulew ri’.

Pa le Japache’ ri kejaqab’ wi ixoqib’ k’o taq kal ri’, xuquje’ chi’ kejaqab’ wi ri’j taq winaq xuquje’ winaq e tz’apilik ri k’o yab’ilal kakunutaj chik chi ke ri’. Eri peraj juyub’ ri’ are xya’taj ri’ rumal ri Ministerio rech Gobernación xuquje’ are rech wa’ ri Wokajil Japache’ ri’.

Katajin k’ut uk’iyirik ri ub’anikil K’ak’ Taqanik pa Japache’ ri’, xcha’, “Eri nim peraj ujuyub’ Guatel chi’ are rech ri’ kakojik rech rumal jun jachakunb’al rech ri japache’ ri’, eri uj kub’inaq qak’u’x che kojkowin k’ut ruk’ pa le ik’ rech diciembre ri’”, xcha’ ri Rivas Lara.

Eri chomam ruk’ ri Ajkalte rech Villa Nueva, Edwina Escobar, eri ministro Rivas, xub’ij ri’ che “k’a pa nab’e ri’ k’o ri’ jun xchomataj chaqawach ri’, rumal ri’ man utz ta kinwilo rumal xuk’ex utzij xaq pa jun q’ij ri’. Man utz ta ri’ xuk’ex utzij ri’ xuquje’ ri in kinb’ij che man utz taj e xojtzijon ruk’ ri are xuquje’ man xojtzijon ta kuk’ ri komon chi’ kojpa’ kojtajin che ub’anik chanim xuquje’ rumal ri’ jaqatil qatzij kachomanik kuk’.

Xuquje’, xub’ij chik che ri uj qak’amom uq’ab’il ri chak patan ruk’ ri ub’anikil k’ak’ taqanik pa le Wokajil Japache’ ri’, “qeta’m k’ut che kaqak’exo uwach ri jun nuk’ulem ri’ man utz ta chik uwach chanim ri’ pa taq le uwokajil japache’ ri’ pa amaq’ xuquje’ qeta’m uj che ri jun b’anikil che ri kaqaj kaqakojo sib’alaj utz na chuwach ri kojtajin che ukojik ri’”, xcha’.

Eri urox viceministerior rech q’atel b’anow k’ax ri’ e umolom rib’ kuk’ e 45 chi k’amal b’e rech Villa Nueva, rech ya’ol utzijoxik we jun cholchak ri’ xuquje’ rech utoq’axik rech kakojik ri q’atel b’anow k’ax ri’, xuquje’ rech keta’maxik uwach ri K’ak’ Taqanik pa le Wokajil Japache’ ri’.

Swiffy Output
COMPARTIR