Eri Rivas Lara, xuya’ reqale’nib’al ri k’ak’ k’amal b’e rech ri K’amow Ub’e ri Migración ri’

394

Uyakom uq’ab’ ri Carolina Janneth Miranda Salvador, xya’taj reqale’nib’al rech xok che k’ak’ K’amal b’e rech ri Migración (DGM), rumal ri Ministro rech Gobernación Francisco Rivas Lara.

Eri k’ak’ k’amal b’e ri’ ri are aj Comitancillo, San Marcos, Mayab’ Winaq-Mam ri are.

Ri are k’o nim utijob’em rib’ che: are Licenciada rech Ciencias Jurídicas xuquje’ Sociales y k’o uwujil resam che ajno’chakunel rech Abogada xuquje’ Notaria, pa le Nimatijob’al rech San Carlos rech Iximulew ri’, xuquje’ k’o pa urox uwaq waqib’ ik’ che utijoxik rib’ che Derecho Constitucional ri’.

Ri Miranda Salvador ri’, b’elejeb’ junab’ katajin chik che chak pa le DGM ri’, xk’oji chi’ che Ajno’jinel Q’atoj tzij, k’o nim reta’mab’alil rech q’axnik pa taq amaq’ ri’, xk’oji pa le Sub Dirección rech Extranjería xuquje’ xk’oji che upatan pa le Oficina rech Relaciones Migratorias Internacionales ri.

Kaya’ b’a’ utzijolil che ri Carolina Salvador, are xok pa uk’exel ri Karin García ri xuya’ kan ri reqale’nib’al chi’.

COMPARTIR