“Eri uq’ab’ qachak patan ri’ are ri’ rech uq’atexik ri b’anoj k’ax chi ke taq ri winaqib’ ri’, k’o che ak’alab’, taq alitom, taq alab’om xuquje’ e k’o alab’om alitom b’anom k’ax chi ke, are wa’ sib’alaj katajin kesaxik pa k’axk’olilri’ rumal ri Q’atol tzij rech ri Ministerio Público xuquje’ ri rumal ri Wokajil Ajchajil Tinamit ri’, rech ketajin che kiq’atexik kuwach ri molaj taq b’anol k’ax ri’”, je ri’ xkub’isaj ub’ixik ri Ministro rech Gobernación,Francisco Rivas Lara, ri xopan pa le umajb’alil ri ya’oltzijol rech ri Campaña Corazón Azul rech Q’atel B’anow K’ax chi ke Winaq ri’, are wa’ nim ilb’anem katajin utoq’ixik rumal ri Nimtaqawokajil rech Q’atel B’anoj K’ax ri’ chi ke winaqil ri’ (SVET) xuquje’ rumal ri Nimtaqawokajil rech ri Naciones Unidas rech Q’atel awan kunab’alil (UNODC), ri xb’an ri’ pa le Palacio Nacional rech pa Nimatinamit ri’.

Eri Rivas Lara, sib’alaj xuya’ ub’ixik che ri umajb’alil ri ya’oltzijolil ri’ are ri’ jun yab’al ub’ixik chi ke ri winaq tinamit rech ketob’anik uq’atexik ri b’anow k’ax chi ke winaq ri’.

“Are wari’ jun k’ak’ ub’anikil uwach b’anow k’ax ri’, chi ke taq ak’alab’ ala, ali xuquje’ chi ke e alab’om alitom ri’ ri katajin kab’an k’ax chi ke kumal molaj b’anow taq k’ax ri’.

Rumal ri’ eri tinamit Iximulew ri’ k’a ojer ri’ katajin che q’atenik jun b’anoj k’ax ri’ chi ke winaq”, xcha’ ri taqawokajnel ri’.

Ruma k’u ri’ eri Lara xub’ij k’ut: “Eri uj kojok pa le q’atel b’anow k’ax ri’. Qak’amom uq’ab’il we chak ri’ rech q’atel jun b’anow ka’x ri’”.

Eri Claudia Ordoñez, Secretaría ejecutiva rech ri SVET, xub’ij k’ut: “Eri kow q’atenik sib’alaj nim ri’ xuquje’ kak’ub’ wanima’ rech katerenb’exik ri k’ttijonem chi ke ri e ajchajil tinamit ri’ rech je ri’ katerenb’exik ri yab’al tzijob’enik chi ke ri tinamit chi rij uq’atexik jun b’anow k’ax ri’ chi ke ri taq ala ali ri’.”

Rumal ri’ eri Olivier Inizan rech ri UNODC, xub’ij che pa Iximulew tinamit ri’ tajin uya’ik uchuq’ab’ ri ya’oltzijolil ri’ ub’i’ Corazón Azul rech Q’atel kikojik ri winaq pa ub’anikil k’axk’olil ri’”, rumal k’ut k’o $ 32 millones pwaqil dólares kamol chi kij ri winaq pa juntir uwachulew kumal b’anol taq k’ax ri’ chi ke”.

Eri Inizan, xub’ij che k’o jun 57 por ciento chi ke taq ala ali xuquje chi ke ri alab’om alitom pa Iximulew ri’. Sib’alaj xuya’ ub’ixik k’ut che ri tzukunem sib’alaj xinimar uwach rech kaq’atexik ri b’anow k’ax chi ke winaq ri’ xuquje’ rumal ri’ e k’o e ajb’anol k’ax e k’o pa q’atb’altzij chi rij wari’.

Eri Wokajil pa komon ri’ xkijuch’ jun wujil rech b’anow chomanik ri’ rech ukojik le Ya’oltzijol ub’i’ Corazón Azul Guatemala rech Q’atel b’anow k’ax chi ke winaq ri’.

COMPARTIR