Eri Rivas xub’ij: Eri ub’anikil kokik ri ajchajinelab’ chi’ sib’alaj utz xel ri’

177

Aretaq xok’owsax jun minut majun xch’awik rumal xekam ri ajchajinelab’ pa le k’olib’al rech Privación Juvenil Etapa II, pa San José Pinula, eri Ministerio rech Gobernación Francisco Rivas Lara, xuya’ ub’ixik che k’o komon chomanem xb’an pa taqawokajil ri’, chi’ k’u ri’ xchomataj jun b’anow kikik ri ajchajil tinamit chi’ ri sib’alaj utz xe’l ri’.

Sib’alaj kaya’taj ub’ixik k’ut che ri q’atb’altzij rech Gobernación, rech ri PNC k’o 30 kajb’al kow xechakunik ruk’ taq kichokonsab’alil ri’ ri xb’ix chi ke rech ke’ok chi’ rech kakitzukuj jawchi’ keraqataj wi le ajchajinel chi’.

Xya’taj ub’ixik k’ut ri b’anikil ri chakub’al xkikojo ri Sak’ajil Wokaj Ajchajinelab’ ri’, ri Comando Antisecuestros, Explosivos xuquje’ ri Grupo rech Acción Rápida, e k’o k’ut e 45 e ano’jchakunelab’ rech ri PNC konojel ri’ xetatb’en pa nim okem chi’.

“Qak’utum ri kujkowin che ub’anik ri’ xuquje’ ri reta’mab’al kub’an ri PNC ri’, amaq’el k’ut nab’e na xaqachomaj ri’ rech man k’ot k’ax kakiraqo ri e ajchajinelab’ ri’ jeri’ ub’ixik xuya’o ri Ministro Rivas.

Eri xchomatajik sib’alaj ub’anikil ri’ pa we amaq’ xuquje’ rumal ri’ e k’aslik xe’esax le kajib’ ajchajinelab’, jun chi ke ri’ xkamik aretaq tajin rokik chik pa le Ja rech kunanib’al yowab’, xcha’ ri taqawokajnel ri’.

Ri Nery Ramos k’amal b’e rech ri PNC, xub’ij che “are ri qas xtij rilik are man k’ot jun chi ke ri e chapom chi’ e k’aslik xchomaxik xe’esax chi’”.

Xuquje’ ri Rivas xub’ij che ri Ja tz’apib’al ri’ sib’alaj k’o pa ya’olchajinik ri’; eri winaqil xepetisan rech ri jun b’anow k’ax ri’ xeya’taj ri’ pa kiq’ab’ jun q’atol tzij ri’, “eri wokajil ri’ are xq’ax pa uq’ab’ ri Bienestar Social ri’”.

Pa k’isb’al rech eri Ministro Rivas Lara, xuya’ ub’ixik chi ke ri winaqil tinamit rech Iximulew ri’: “kojtajin k’ut che chakunik pa utzilem, pa joremal ri’ xuquje’ xaqak’utu ri’ che ri qano’jchakunem pa le jun ya’olchajinik ri’”.

COMPARTIR