Pa le jachb’al rech ri nab’e ub’ixikil chak patan b’anom rumal ri Taqawokaj pa Amaq’ ri’, pa le Nima Rachoch pa uk’u’x Nimatinamit ri’, eri Ministro rech Gobernación Francisco Rivas Lara xuya’ ub’ixik che ri chak patan rech ya’olchajinik ri’ k’o nima’q taq ropanb’alil ri’ xuquje’ rumal ri’ “kojb’e na che ukojik k’i na ya’olchajinik kub’sib’al k’u’x ruk’ ri joremal chi ke ri winaqilal ri’, rech kaqab’an qech che ri Amaq’ Iximulew ri’”.

Xuya’ ub’ixik che katajin k’ut ukojik ri ya’olchajinik kumal ri ajchajil tinamit, jacha’ taq ri cholchak ri’ #GuateEsNuestra, #RescateDelSur y #RescatandoGuate chi’ k’u ri’ e chapom chik qaraj e k’o e 900 chi winaq ri’ xuquje’ q’atem chik e 92 chi molaj taq b’anol k’ax ri’.

Xuquje’ eri’ Rivas Lara, xutzijoj ri’ che ri e ajk’ayin awan kunb’alil, k’o ri’ 12 mil 800 pajb’alil cocaína esam chik pa kiq’ab’ xuquje’ pa 2017 k’o ri’ 900 pajb’al cocaína xraqataj ri’, are wa’ jun nim q’atenik kojtajin che ub’anik pa Iximulew ri’ xa’rumal are wa’ qachak qapatn kojtajin pa le uq’atexik b’anow k’ax ri’.

Xuquje’ xub’ij chik che xb’antaj kowinem xloq’oxik uwach kichak kipatan ri eqa’lenelab’ rech ri Wokajil Ajchajil Tinamit (PNC) xuquje’ ri e ajchajil rech pa Japache’ ri’ are xaq’ansax pa Q700 ri kajil ri’.

E k’o keb’ mil eqa’lenelab’ rech ajchajin tinamit xkik’is uwach xetijoxik ri’ ri are ri’ ke’ok pa le wokajil ajchajil tinamit ri’ ri ke’opan ri’ pa 37 mil eqa’lenelab’ pa konojel che ri xetijoxik ri’.

Chi rij taq ri chak b’anom ri’ pa usaqil k’o k’i winaq man xekamisaxik ta chik pa we amaq’ ri’, e k’o 250 ja achalalalil man xe’ok ta chik chi rij kichalal xkam tane chik xuquje’ are xuya’ pa retalil che xqaj loq pa rajilab’al we jun b’anow k’ax ri’.

Pa le ub’ixikil chak b’anom ri’ are xb’antaj ri’ xchakuxik ri k’o chik pa uchomaxik ri’, jeri’ xuya’ ub’ixik ri taqawokajnel rech ya’olchajinik pa amaq’ ri’.

COMPARTIR