Ri Romero xub’ij: K’ot japache’ kayak pa Amatitlán ri’

571

Eri viceministro rech Q’atel b’anow k’ax ri’, Axel Romero xk’oji pa jun riqb’al ib’ ruk’ le nan Ajkalte rech Amatitlán, Mara Marroquín xuquje’ kuk’ ri winaq e ajk’ulja chi’, pa le Centro Cultural Mengala, rech xuya’ ub’ixik chi ke che“man k’ot japache’ kayak chi’ pa Amatitlán ri’”.

Are wa’ xb’ixik aretaq xewixwit ri winaq chi’ pa tinamit ri’, che ri nan Marroquín ri’ che xusik’ij chi’ ri tat Romero, ri xuya’ loq ub’ixik che “k’o k’i itzelal xikina’ k’ut ri winaq chi’ aretaq xya’ ub’ixik che man k’ot jun japache’ kayak chi’ pa Amatitlán ri’ xuquje chi’ k’ut xkil wi ri winaq ri’ xaq molomtzij xb’ix ri’”.

Sib’alaj kya’ ub’ixik ri’ eri viceministro Romero xub’ij che “qastzij b’a’ man k’ot jun japache’ kayak’ chi’ pa Amatitlán ri’”.

Eri Romero, xuya’ ub’ixik k’ut che we kamik katajin uchomaxik keyak keb’ japache’ ri’, emu wa’ ri’ man ya’om ta ub’ixik jaw chi’ keyak wiri’.

Eri nan Marroquín, xub’ij k’ut che k’o pa tzijob’enik ruk’ ri viceministro Romero rech kaq’alisaxik ri man k’ot pa saq chi kuwach ri winaq tinamit chi’, rumal ri’ eri sib’alaj xeki’kotik ri xuya’ ub’ixik ri patanel rech ri Gobernación ri’ chi rij ub’ixik xuya’o che man k’ot jun japache’ kayak’ chi’ pa Amatitlán ri’.