Rumal jun winaq pa awalik xuya’ ub’ixik pa le 1518 xb’antaj kowinem eri wokajil ajchajinelab’ rech ri Wokajil Japache’ k’o jun solinik xub’an pache’ pa le Granja Modelo rech Rehabilitación Canadá, Escuintla, chi’ k’ut xraqataj wi’ tzam awan pa taq jul chi’, jeri’ ub’ixik utzijol xkiya’o ri q’atb’altzij rech japache’.

E are ri’ xkitaq ub’anik jun tzukno’jchak chi’ pache’, jeri’ xkitaq ub’anik pa juntir le wokajil rech kilik chinaq ajmak chi rij jun b’anow k’ax chi’ pache’ ri’.

Eri q’atb’altzij ri’ xkinab’ejsaj uraqik ri’: 691 chi k’olib’al rech cerveza rech 16 onzas, ruk’ 256 lame’t nitz’ k’o quezalteca chupam xuquje’ ruk’ 40 medias rech XL le rax kaka’yik.

Eri b’iw ub’ixik ri’ are kuk’utu che kub’inaq kik’u’x le winaqilal chi ke ri wokajil e ajchajil tinamit chi’ k’u ri’ eri Ministerio rech Gobernación pa xutoq’anik chi ke juntir le uq’ab’il taqawokaj ri’ rech kakiq’atij wa’ jun b’anow k’ax pa taq le 22 japache’ k’o pa we amaq’.

Eri b’iw ub’ixik kumal le winaqilal

Eri rajilab’al 1518 are wa’ jun no’jchakub’al k’o pa le Ministerio rech Gobernación che ri tajin katob’anik ruk’ ri Wokajil Ajchajil Tinamit (PNC) xuquje’ kuk’ ri uq’ab’taqawokajnem ri’, are wa’ jun jachakunb’al rech b’iw ub’ixik pa awalik loq le rajawaxik kakitzuj loq le winaq tinamit ri’.

Emu wari’, xuquje’ eri Wokajil Japache’ k’o jun uch’a’wb’alil ukojom ri’ are rajilab’al 1533 chupam wari’ ya’talil ri’ rech kaya’ wi ub’ixik we kilik k’o b’anow k’ax kab’an pache’ tz’apib’al ri’, kumal ri e ajpache’ xuquje’ kumal ri q’atb’altzij ri’.