Tajin uchomaxik rech keto’ik xuquje’ rech kasuk’umaxik klik ri e ajq’axel LGBTI

43

Are taqim uya’ik jun utzalaj ilonem chi ke ri winaq e ajq’axel pa amaq’ ri’ che ri  e k’o pa k’ax ri’, eri Organización Internacional rech  Migraciones ri’ (OIM) pa le uchak b’anow ri Programa Mesoamérica, kub’an we k’uttijonik ub’i’“Kiq’axnik pa amaq’ kumal winaqil  e Lesbianas, e Gais, e Bisexuales, e Trans xuquje’ e Intersexuales (LGBTI)”, ri kab’an pa taq ri 13, 14 xuquje’ 15 rech junio rech pa we junab’ ri’ pa we Uk’u’x Nimatinamit rech Iximulew ri’.

Eri K’uttijonem ri’ xmatajik we kamik ri’, are xjaq uwach rumal ri Coordinadora Residente de las Naciones Unidas en Guatemala, Sra. Eri Verónica Simán; Taqanel rech ri Misión OIM Guatemala, El Salvador xuquje’ Honduras, ri Jorge Peraza xuquje’ ri K’amal b’e rech Wokajil rech Migración, Rosalba Navarro ri’.
Rumal ri’ eri Licenciada Navarro, sib’alaj xuya’ ub’ixik che we eqa’lenemtzij ri’ rech uya’ik uchuq’ab’ ri ri wokajil chi rij ri uwach chomanik ri’ xa’rumal k’ut uya’ik jun tz’aqatil ilonem ri’ chi ke jujun taq winaq w ajq’axel pa amaq’ che ri man k’ot kirajil kijastaq ri’ xuquje’ ri keraqataj pa k’ax pa tinamit, pa le kib’antajil, pa tinamit ri’, rumal kib’antajil ri’ kab’ixik che b’anom k’ax che ri ya’talil chi ke ri’.

Pa le k’uttijonem ri’ xetatb’enik ri e ajta’ol kech ri’, ri k’amal kib’e taq wokajil rech ri taqawokaj rech ri’ Panamá, Costa Rica, Nicaragua, El Salvador, Honduras, Guatemala xuquje’ México ri’ xuquje’ xetatb’enik ri k’amal kib’e nuk’wokajil winaqilal ri’ che ri kechakun kuk’ ri winaq e ajq’axel pa amaq’xuquje’ ri e ajchak rech pa taq kik’olib’alil ri’.

Pa le umajik ri k’uttijonem ri’ are rech uya’ik uchuq’ab’ ri ya’olchajinik xuquje’ ri ilonik chi ke ri e ajq’axel pa amaq’ che ri kiraqom k’ax ri’, are wa’ k’o pa taq le chomanik ruk’ taq ri wokajil xuquje’ ri komon winaqilal che ri e ajchomanel pa le uchomaxik ri’, are qas ya’tal pa nab’e uchomaxik ri rajawaxik chi ke ri comunida LGBTI ri wa’katel ri’ xuquje’ rech kab’an rilik ri chakum chi rij we ri’ pa we amaq’.

Eri Dirección General rech Migración kuch’ob’ ri are che ri Nimatinamit Iximulew ri’ are jun chi ke ri amaq’ib’ ya’tal utzilem che ruk’ ri jun Programa Mesoamérica ri’ rumal ri’ ktatb’enik xuquje’ katob’anik pa taq le chak patan rech uya’ik uchuq’ab’ ri wokajil ri’ xuquje’ ri riqb’alil rech kasol uwach ri chakunem pa rulewal taq tinamit ri’, che ri kab’an ri’.

COMPARTIR