katajin uchomaxik rech kak’ex ub’antajil kichak patan ri winaqil chi’ aretaq xesaxik ri amapola ri’

182

Eri jun nimalaj ya’olchajinik chi’ are wa’ xchomaxik rumal ri Quinto Viceministerio Antinarcótico, rech xqupixik juntir ri tiko’n rech amapola xuquje’ marihuana pa taq le keb’ tinamit ri’ rech Ixchiguán xuquje’ Tajumulco rech San Marcos, aretaq xtaq ukojik ri Korlim ri Ya’olchajinik chi’ rumal ri ch’ojinik che ri k’o chi’.

Are wa’ le keb’ qupinik xb’antaj wi’ pa we junab’ are rech taqim usaqab’saxik chi’ rech man k’ot tiko’n maj pa usaqil che ri kub’an k’ax chi ke ri winaqil ri’, jacha’ ri b’anow k’ax ri’.

Pa le nab’e qupinik xb’an ri’ pa le 20 pa le 23 rech marzo kanoq, chi’ ri’ xb’antaj kowinem xesaxik 16 millones raqan ichaj rech amapola, ri rajil are Q416 millones, chi’ k’u ri’ xaq xu’ wiri’ xqupixik pa 9 aldeas xuquje’ pa taq cantones rech ri tinamit rech Ixchiguán, Tajumulco xuquje’ Tejutla ri’.

Man je ta ri’ katajin uk’aslemaxik pa le keb’ ya’olchajinik ri’, pa 17 q’ij rech ri qupinik katajin ri’ are pa taq 28 aldeas xuquje’ caseríos rech Tajumulco xuquje’ pa 24 rech Ixchiguán, chi’ xqupixik wi 127 millones 539 mil 975 raqan ichaj rech amapola xuquje’ 179 mil 286 rech marihuana, ri rajil pa ronojel ri’ are Q. 3 mil 255 millones ri’.

Eri tiko’n rech ri amapola naj ri’ xopan wi resaxik ri xraqatajik chi uchi’ taq nimab’e ri’, pa taq juyub’ kopan cho taq ja ri’ xuquje’ ri kopan chuwi’ taq muqb’al kaminaqib’ chi la’.

Eri Viceministro Antinarcótico, Oscar Dávila Mejicanos, xub’ij  k’ax wa’ rumal k’o nik’aj chik tiko’n b’anom pa taq le junab’ rumal man xraqataj taj.

“Pa taq ronojel q’ij ri’ e k’o nik’aj chik tiko’n katajin kiraqatajik ri’, are wa’ junam kub’ij che ri winaqilal chi’ kecheb’em nik’aj chik peraj taq juyub’ k’o kuk’ ri’ xuquje’ chi’ kikub’isam wi upoq’saxik uwach ri’ pa taq junab’ ri’”, xcha’ ri Dávila.

Eri q’atb’altzij xkib’ij che ri raq’ansaxik ri tiko’n rech amapola xuquje’ marihuana are xa’rumal keb’ uwach b’antajil ri’, eri nab’e xa’rumal e k’o k’i kuwach ri molaj e ajk’ayin awan taq kunb’alil ri’ che ri kakito’o ri winaqil ri’ xuquje’ eri jun ukab’ chik are xa’rumal ri uchomaxik q’atenik le b’anow ch’oj ri’ rch kak’is uwach jun nim ch’ojinik che ri xechb’exik kumal ri winaqil e jaqal chi’.

Aretaq xchup uwach ri chomanik chi’ rumal ri’ xoksax ri Korlim Ya’olchajinik ri’ rumal ri’ xmajtaj ri ya’olchajinik pa le uqupixik juntir amapola ruk’ ri marihuana pa taq le keb’ tinamit ri’ xuquje’ rech kak’extajik uwach kik’aslemal ri winaqilal chi’.

Pa le uwachixik ri Amapola xuquje’ eri ak’alab’ kekoj pa le uchakuxik ri’, ruk’ kiq’ab’ k’ut kakesaj uwach ri kotz’i’j ri’ rech resaxik ri rach’a’nil ri’, are wari’ kak’iyixik.  Are wa’ jun nimak’ax ri’ xa’rumal ruk’ wa’ kak’ut chi kuwach ri ak’alab’ rech maj pa usaqil kach’ik kakich’ik kipwaq ri’, rumal jeri’ kakib’an chik chuwe’q kab’ij ri’.

Rumal ri’ sibalaj rajawaxik kapixb’axik kiichomab’alil ri winaqil ri’ pa taq tijob’al ib’ je ri’ chi ke taq ak’alab’, taq ali taq ala xuquje’ kitat kinan ri’, rech kaketa’maj are wa’ jun itzel k’utb’al kakik’ut chi ke ri ak’alab’ xuquje’ rech kaketa’maj che k’o jun ub’anikil uch’akik pwaq ri’ rech kakitzuqu ri kalk’uwal ri’.

Aretaq kak’ix ri Korlim ri Ya’olchajinik ri’ eri q’atb’altzij ri’ ch’ob’otal chik kumal che k’i uwach taq ya’olchajinik kakiwa’katej pa komonb’al chi’ rech ruk’ tob’anik kakiterenb’ej ri’ xuquje’ rech te k’u ri’ kamajtajik jun k’exnik ri’, rech man je ta ri’ kab’an chik pa taq nik’aj chik juyub’al ri’ xuquje’ are rech kakik’exo ri tiko’n kakib’an chik ri’ xuquje’ rech man kakitik ta chik ri amapola xuquje’ marihuana ri’.

Eri q’atb’altzij ri’ are xkib’an jun nim chomanik kuk’ ri winaqil ri’, kuk’ ri k’amal b’e winaqil ri’, kuk’ ri k’amal b’e rech ri COCODES xuquje’ eri q’atb’altzij rech taq tinamit ri’ e are rech kak’am b’ik ri cholchak rech k’iyemal ri’. Xuquje’ k’o b’anow taq kunanem winaq ri’, e k’o awajil kekunax ri’ xuquje’ k’o kiwujil kijastaq rech kakitijoj kib’ le ak’alab’ ri’.

Chi la’ keraqataj chiik le k’amal b’e rech taq nik’aj chik taqawokajil jacha’ ri Ministerios rech Agricultura xuquje’ rech Tijonem ri’ ketajin k’ut che rechb’exik ri nimalaj kitob’ab’al ri komon taq winaqilal ri’.

Pane’ b’a’ eri rajilab’al xb’antaj kowinem xraqataj ri’ kumal ri ya’olchajinik b’anom kanoq kicha’ ri Viceministro Dávila, eri ukab’ uwach chik resaxik katerenb’exik le q’ij kumaj b’ik ri Korlim rech Ya’olchajinik rech kub’an kan saq che ronojel uwach chi’.

“Kojtajin pa ropanik pa jun k’aslemamtzijol pa le resaxik uchupisaxik uwach ri’ emu wa’ ri’ eri qas kojtajin che ub’anik ri’ are rech kaqaya’o jun utzilem pa taq kik’olib’alil winaqil ri’ rech kachupisaxik juntir uwach ri b’anow tiko’n amapola xuquje’ marihuana pa le keb’ tinamit ri’”, xcha’ ri Dávila.

COMPARTIR