Xya’taj kiwujil ri ukaj puq eqa’lenelab’ rech ri cholchak ub’i’ “Uk’u’x taq  Oxxukut Tz’aq ri’”

336

E 27 pa konojel ri k’ak’al winaq pa 15 pa 18 kijunab’ ri’, e rech taq pa Villa Nueva xuquje’ Villa Canales, xkik’is uwach ri ukaj pwaq eqa’lenelab’ rech ri proyecto rech convivencia ciudadana xuquje’ rech q’atel b’anow k’ax ub’i’ “Uk’u’x taq Oxxukut Tz’aq ri’”, chi’ k’ut xtatb’en wi ri urox viceministro rech Gobernación, Axel Romero.

Eri alab’om alitom ri’ xya’taj jun kiwujil rech nab’e umajb’al tijonem xuquje’ rech oxib’ terenb’al tijonem, aretaq xketa’maj ri jun retal tijob’enik pa aninaqil xya’taj chi ke pa keb’ uwach junab’ ri’, xuquje’ ruk’ jun k’uttijonem xya’taj chi ke rumal ri INTECAP ri’.

Eri Romero xuki’kotirsaj kuwach ri alab’om alitom ri’ rumal xekowinik xkik’iso uwach jun tijob’en ib’ ri’ xuquje’ xuya’ ub’ixik ucholajil che we jun cholchak ri’ are xb’antaj kowinem xchakuxik rumal utob’anik ri jo’ob’ uq’ab’ nima taqawokajnem ri’ xuquje’ kumal keb’ taq q’atb’altzij ri’ xuquje’ maltyox che ri komonchak xb’antaj ri’, pa le uq’axaxik ri jun cholchak ri’ pa jun cholchak k’o pa ajchoq’e’il ri’ ri xya’tajik pa komon taqawokajil ri’.

Eri ajkalte rech Villa Canales, Julio Marroquín, xe’utoq’ij ri alab’om alitom ri’ rech kakiterenb’ej ri chak patan ri’ xuquje’ xumaltyoxij chi ke ri viceministerios xuquje’ chi ke taq ri taqawokajil rech ketob’an b’a’ ruk’ ri jun cholchak ri’, rumal ri chak patan xkib’an pa we junab’ ri’ xuquje’ xub’ij chik che pa le junab’ 2017 qas utz b’a’ che ri chakunem ri’.

Eri Leonel López, are jun xk’oji pa le ukaj puq eqa’lenelab’ xetijoxik ri’, ri are sib’alaj xumaltyoxij rumal jun k’ak’ jamalil tijob’enik ri’ xya’taj che pa le xutijoj wi rib’, rumal ri’ xkowinik xutijoj rib’ pa uk’aslemal ri’.

Eri cholchak ri’ ub’i’ “Uk’u’x taq Je’lalil Oxxukut Tz’aq ri’”, ri are xkojik rech kiq’atexik ri b’anow k’ax kumal alab’om alitom ri’, ruk’ ukojik k’ut ri cholchak rech tijob’en ib’ ri’, ri xya’taj chi ke ak’alab’ kuk’ alab’om alitom ri’, rech keq’atexik ke’ok ta pa b’anow k’ax ri’.

We kamik ri’ k’o ri’ keb’ uwach taq tijob’al, pa Villa Canales xuquje’ pa Villa Nueva, chi’ k’ut ketijox wi alab’om alitom ri e jaqal pa taq wokja k’olib’em ri tajin kak’ulmataj wi b’anow k’ax ri’ xuquje’ ri e esam loq pa jikom b’anow tijonem ri’, rech b’a’ ya’tal chi ke ri jun k’ak’ taq uwach jamalil rech tijob’en ib’ ri’ xuquje’ rech k’o nik’aj chik taqkil kekowinik kaketa’maj rech kechakunik ri’.

COMPARTIR