Xb’antaj ri Nab’e Riqb’al kib’ ri Taqawokajil rech ya’b’al ilonem chi ke ak’alab’ ri keriqtaj pa japache’ ri’

272

Eri Ministro rech Gobernación Francisco Rivas Lara ruk’ ri Viceministro rech Q’atel k’ax, Axel Romero xetatb’enik pa le jaqib’al uwach ri Nab’e Riqb’al kib’ ri Taqawokajil rech kakojik ri ub’anikil ya’b’al ilonem pa wokajil chi ke ri taq ali taq ala, xuquje’ alab’om alitom kuk’ ri winaqil keriqtajik pa japache’, kojpa’ ri oxiqib’ e k’o pa japache’ xuquje’ ri e ajchajinel chi ke ri’.

Pa le nab’e riqb’al ib’ xb’antajik ri’ chi’ k’ut xb’an wi rilik uchomaxik uch’ob’ik ri tijob’al k’ax chuq’ab’ rech kakojik ri jun k’ak’ ub’anikil ri’ rech kaq’atexik uchuq’ab’il ri tz’apib’al keriqtaj wi’ ri taq ak’alab’ ri’ xuquje’ rech kasuk’umaxik ub’anikil uwo kik’aslemal ri’.

Eri Ministro Rivas Lara, xub’ij che ri man utz ta wa’ xaq ke’ilik taq ali taq ala keriqtaj pa japache’ ri’, xuquje’ eri are ri k’o che nim upatan kukoj b’a’ nim uchuq’ab’ rajawaxik rech kuk’ub’isaj uwach kik’aslemal ri’, xuquje’ kumaltyoxij b’a’ ri tob’anem xuquje’ ri b’anow chak chomanik kib’anom taq ri wokajil ri rech ta taqawokaj ri’ pa le b’anwo utzilem chi ke ri winaqil ri keriqtaj pa japache’ ri’.

Eri taqawokajnel ri’ xub’ij che ri taq ali xuquje’ taq ala che ri keriqtaj e tz’apil pache’ are jalajoj uwach ri’, rumal ri’ e k’o 100 chi ke kajib’ kijunab’ e k’o kuk’ kinan e Tz’apil pa Japache’ ri’.

Chi rij wari’ eri ub’anikil k’ak’ b’anow pa taqawokajil ri’, eri Ministro xub’ij che pa enero kamajtaj ukojik wa’ jun k’ak’ ub’anikil taqanik rech ilonem chi ke ri’.

 “Are wa’ xa’ jun ub’anikil pa utukel le ya’b’al ilonem ri’ chi ke pa América Latina ri kuchomaj wa’ ri ub’anikil kilik ri taq ali kuk’ taq ala che ri keriqtaj kuk’ kinan pa japache’ ri’, xa’rumal ri’ tajin uchomaxik rech kanimaxik kik’aslemalil xuquje’ kaloq’oxik ri ya’talil chi ke ri’, eri taq ak’alab’ ri’ man e are ta e ajmak keriqtaj pa taq le japache’ ri’”, xcha’ ri Rivas.

Eri Viceministro Romero xutzijoj ch eri we jun ilb’anik rech chomanik ri’ k’o keb’ q’ij kanajtib’ ri’ xuquje’ chi’ e ajtatb’enel wi’ konojel ri k’amal b’e rech taq komon winaqilal ri’ xuquje’ ri Cooperación Internacional chi’ k’ut kechomam wi chi rij jalajoj taq uwachtzijonem ri’ xuquje’ are keyexik aretaq kak’is ri b’anow chomanik ri’ are kab’an uwokik jun ub’eyal cholchak rech ya’b’al ilonem b’a’ chi ke ri taq ak’alab’ ri’.

 “Tajin kaqeyej rech kawok uwach ri ub’eyal b’anow chomanik rech utz ub’anik kilik kab’anik ri taq ak’alab’ kuk’ ri alab’om alitom are k’o solinem kab’an pa taq ri japache’ ri’, xuquje’ utz kilik kab’an ri’ ri taq kal taq ali taq ala, ri kal k’ut ri ixoqib’ keriqtaj kuk’ pa japache’ ri’”, xcha’ ri Romero ri’.

COMPARTIR