Xb’antan kowinem xq’atexik ri b’anow k’ax pa le Granja Penal Pavón ri’

265

E k’o keb’ mil eqa’lenelab’ rech ri Wokajil Ajchajil Tinamit keraqataj chi la’ pa le Granja Penal Pavón kuk’ wa’ xb’antaj kowinem xq’texik ri b’anow k’ax pa le wokajil japache’ ri’ ri xk’ulmataj wi jun nim k’aqanik che k’aqb’al chi’.

Eri Ministro rech Gobernación Francisco Rivas Lara xuya’ utzijol ub’ixik che pa le ch’ojinik k’aqanik xb’antaj chi’ e 13 chi winaq e tz’apil chi’ xekam ri’ are jun chi kuxo’l ri Byron Lima Oliva, ri tz’apim chi’ rumal kab’ixik are xukamisaj ri Monseñor Juan José Gerardi.

Eri utzijol xb’itajik eri k’aqanik b’anow kamisanik chi’ are xa’rumal ri jun ch’ojinik chi kuwach ri e tz’apil chi’, rumal are kikaj ketaqan pa le tz’apib’al chi’, are wari’ katajin uch’ob’ik b’anow tzukunik chi rij ri’ rech kilik chinaq xeb’anow ri jun k’ax k’aqanik chi’.

Aretaq xb’antaj jun b’anow k’ax k’aqanik ri’ pa le ja tz’apib’al ri’ e 129 chi winaqil e ajch’ab’inel keraqataj chi’, e are k’u ri’ xe’esax pa k’ax chi’ kumal ri wokajil ajchajinelab’ ri’, xuquje’ eri e are ri’ kab’an tzukunik chi kij, rech kilik we man k’ot kuwach kuk’ ri jun b’anow k’ax ri’, xcha’ ri Ministro Rivas.

Eri e oxlajuj xekam chi’ k’o jun ixoq chi kuxo’l ri xch’ob’ uwach are ub’i’ Joanna Elizabeth Birriel, 24 ujunab’, aj argentina ri are, ri petinaq pa ch’ab’enik che ri ajpache’ xkamik ri’.

Eri Ministro Rivas xuya’ ub’ixik che we jun b’anow k’ax k’aqanik ri’ are retalil che ma utz ta chik kib’antajik ri japache’ tz’apib’al e e k’o pa we amaq’ ri’, rumal k’u ri’ sib’alaj rajawaxik kajal uwach ri Wokajil Japache’ ri’, rech kak’ex uwach pa juntir ri’ rech k’o nimib’alil che ri ya’talil winaqil chi’ xuquje’ are rajawaxik kapatanixik rech kasuk’umax kichomab’al ri e tz’apil chi’.

Chi rij jun b’anow k’ax ri’ e 25 chi winaq k’aqam q’aq’ chi kij ri’, ri kejach kuwach keq’axaxik pa taq nik’aj chik ja tz’apib’alil ri’, eri chi ke ri’ eri a Marvin Montiel alias ri Taquero, are kab’ixik xchomam rech ri b’anow k’aqanik chi’, ri k’o chik pa kiq’ab’ ri Wokajil Ajchajil Tinamit ri’, je ri’ ub’ixik utzijol xuya’ le Ministro Rivas, xuquje’ xuya’ ub’ixik che rumal ri jun b’anow k’ax chi’ kech’itix panoq che kichak kipatan chi’ ri q’atb’altzij k’amal b’e rech ri Wokajil Japache’ ri’, are wa’ maja’ kach’ob’ik jumpa’ ke’esax che kipatan chi’.

COMPARTIR