Chi kijujunal ri wokajilal k’o kiwokajil ya’olchajinik pa uwachwuj kemamtzij ri’, k’o che eri uwokajil ya’olchajinik chi ke k’o k’ax xmin chupam ri’ kumal taq itzel winaq, rumal ri’ eri viceministerio rech Tecnología rech ri Ministerio rech Gobernación  (Mingob) xuquje’ ri Organización rech ri Estados Americanos (OEA), xkimaj pa wokajil taq ri chomanik chi rij ri’, rech keta’maxik ri ch’ob’otal chak ri rajawaxik kakojik pa taq kiwokajil winaqilal pa amaq’ kitob’chakub’al rech yab’al tzijol ri’.

Are rech b’a’ kab’antaj kowinem kaya’ pa uk’utik ri chomanen tinamit ri’ chi rij uchajixik xuquje’ rech kato uwach ri tzijolil ya’tal rumal jujun wokajil winaqil ri’ xuquje’ are k’o nim ropanb’alil chi kuwach ri winaq e aj iximulew ri’.

Eri Walter Girón, viceministro rech Tecnología rech ri  Mingob, xuya’ ub’ixik che xmajtaj k’ur ri chomanik kumal ri Wokajil ajpatanel rech Tob’chakub’al xuquje’ ri rech Q’atoj Pwaqilem ri’ are rech b’a’ katerenb’exik uwokib’alil ri’, ri yab’al tijonem chi rij xuquje’ ri nuk’wokaj b’anoj tzukunem chi rij taq b’anoj k’ax kamisanik ruk’ le nim ropanb’al le tob’chakub’al ri’.

 “Are wa’ rech konojel k’ut kakiya’ loq ub’ixik ri rajawaxik chi ke chi rij ri uk’u’x kub’sib’al tzijoil ri’ xuquje’ kojpa’ uj amaq’ tinamit ri’ sib’alaj rajawaxik k’ut kaqakub’isaj ukolik uwach ri tzijol ri k’o pa jujun taq wokajil xuquje’ ri k’o pa taq uq’ab’il Amaq’ Tinamit ri’”.

Eri k’amal b’e rech taq wokajilal ri’ e are k’o xkiya’ ub’ixik rech ub’anikil ukojik ri internet kab’anik pa jun chajinik chi rij, emu wa’ chi rij ri’ konojel k’ut ri e ajkojol rech ri’ keta’mim chik jas le ukojik kakib’an ri’.

Eri Girón xutzijoj che ri tzijol ri’ rajawaxik k’ut kakoj tob’anik chi rij chuwach ri b’anoj k’ax pa uwachwuj kemamtzij ri’ ri k’o nim k’ax kuya’ ri chi ke ri wokajil k’o ajchoq’e’il ri’, rumal k’u ri’ eri k’amal b’e kech ajchomanelab’ rech ri winaqilal ri’ xkita’o che, are “ri rajawaxik kaya’ uchuq’ab’ pa le retalil q’atoj tzij chi rij rech ri Código Procesal Penal, chi rij k’ut ri uterenb’exik uq’atexik ri ub’anikil b’anoj k’ax pa le uwachwuj kemamtzij ri’, ri b’im chik che are mak ri’ tz’ib’am pa le wuqub’ rajilab’al uq’a’til ri’.

Eri viceministro, xe’utoq’ij konojel ri kikaj ke’ok pa komon chak chuq’ab’ ri’ chi rij uq’atexik ri b’anoj taq k’ax ri’ xuquje’ rech k’o komon ketob’anik kak’ix wi ri choman tinamit ri’ kab’anik pa le nab’e taq ub’insaxik uwach ri’.

Swiffy Output
COMPARTIR