E Waqib’ xechapatajik rumal ri q’atoj chomanik chi rij ri Bantrab

160

Eri q’atb’altzij rech ri Ministerio rech Gobernación, ri Ministerio Público (MP), xuquje’ ri Comisión Internacional Contra la Impunidad pa Iximulew (CICIG), k’o 18 chi tzukunik xb’an kumal ri’ e k’o 150 eqa’lenelab’ rech ri Wokajil Ajchajil Tinamit (PNC), are rech xkinimaj rech kakichap e lajuj chi winaq ri’ kab’ixik e uwinaq rech ri komon chomanelab’ rech ri Banco rech taq Ajchajib’ (BANTRAB) ri’.

Eri xechapik kab’ixik ri’ eri kimak xkib’ano are itzelb’anow chomanik, rumal k’o ujastaq umeb’il ri Bantrab xkeleq’aj chi kij ri winaq kikojom kipwaqil pa le japwaqb’al ri’ e k’o chi kuxo’l k’ut e ajpatanel rech ri Taqawokaj Iximulew ri’.

Eri viceministro rech Seguridad, Ricardo Guzmán, xuya’ ub’ixik che xchapataj ri a Carlos José Liu Yon, k’amal b’e rech ri  Bantrab; a Juan Miguel Arista España, k’amal b’e xuquje’ ajtz’ib’ab’ rech ri Bantrab; al Karen Flores Paz, are notaria; a Bodgan Armando Aguirre Palencia, ajkojol tzij rech ri a Liu Yon; al Astrid Iliana Oberdeck González, ajkojol tzij rech ri  Desarrollo 2812 ri’.

Xuquje’ eri ajpatanel ri xuya’ ub’ixik che karaj na kechapik ri: a Sergio Aníbal Hernández Lemus, k’amal b’e rech ri komon rech ri Banco kech Ajchajib’ ri’; a Rolando Giovanni García Navarijo, nim k’amal b’e rech ri Bantrab; a Vinicio Alejandro Ramírez Barrientos, Uk’exel K’amal b’e rech ri Bantrab; al Marie Odette Liu Yon; ri kab’ixik e are k’o kijuch’b’al pa saqil pa le wokajil Trheesome S.A.; xuquje’ ri al Karla Jidith García Guzmán ri’.

Eri Fiscal General rech ri Ministerio Publico, Thelma Aldana, xub’ij che ri Banco kech Ajchakib’ ri’ are ri’ jun wokajil xalatil uwach kumal achijab’ ixoqib’ ri’ le kojom upwaqil tinamit ruk’ kipwaqil nuk’wokaj ajpoq’san chak meb’il ri’, rumal ri’ k’o jun tzukunem xb’an pa le lote 7 pa le Residenciales Los Encinos zona 4 rech Mixco, pa le utzukuxik ri García Navarijo ri are taqim tzukunik chi rij xuquje’ man chi rij ta ri’ ri ex ministro rech Finanzas Públicas Pavel Centeno.

Rumal ri b’anow tzukunik chi’ e k’o keb’ eqa’lenel chajinik ri’ xek’aq rumal ri Centeno ri’, ri pa aninaqil ri’ xek’am b’ik pa IGSS 7-19 pa le kekunax wi winaq e nima’t ri’, xch’ob’otaj kuwach e are k’ut ri are José Ismael Set Cuxá xuquje’ ri Geovanny Santos.

Eri Ivan Velásquez, comisionado rech CICIG, xub’ij ri are rumal ri xk’ulmatajik ri’ xuya’ k’axk’ab’en tzij chi ke ri rachallal ri Centeno ri’ xuquje’ xuya’ chuq’ab’tzij che ri ajchajinel xuquje’ ri che ri q’atol tzij tzukunel ri’ le xesak’atajik pa le kichak patan ri’.

Swiffy Output
COMPARTIR