Eri e ajya’el kipatan pa amaq’ ri’ kakimaj ri kichak ri’ pa Marzo xuquje’ Abril

195

Pa le keb’ molin ib’ ri’ rumal ri komonb’al pa tinamit rech Ya’el Patanem pa Amaq’ ri’, sib’alaj xuya’ ub’ixik che ri rajawaxik kakiya’ uchuq’ab’ ri ajk’amal b’e pa tinamit pa taq ri komonchomanik ri’, xa’rumal xa’ pa jun ik’ panik’aj ya’tal ub’ixik rech kemolik ri’, pa jun 33 por ciento are rajawaxik chi alab’om alitom ke’ok pa taq le nimab’al pa amaq’ ri’ xuquje’ pa jun 81 por ciento chik are chomanik kab’anik chi rij ri Servicio Militar ri’, xcha’ ri Axel Romero, Urox Viceministro.

“Eri kaqaj uj are e k’i alab’om alitom ke’ok pa ya’el kipatan pa we amaq’ ri’, e pa junab’ ri’ chomam chik che pa konojel e k’o 5 mil 417 ke’ok pa le ya’el patanem ri’ xuquje’ rumal ri’ katajin ub’anik ronojel uchomaxik ri’ rech kaya’ ub’ixik pa tiamit che ri jun cholchak rech ya’el patan ri’ are kamajtaj ri’ pa taq le ik’ rech marzo xuquje’ abril”, xcha’ ri Viceministro rech Q’atel k’ax.

Xub’ij chik che k’o lajuj jalajoj uwach chi cholchak rech ya’b’al patan ri’ ya’talil rech ketatb’en wi ri alab’om alitom ri’, pa kuwach ri’ e k’o ri’ rech pa Tijonem, pa Utzwachilem, pa Comunicaciones, pa Gobernación, pa Cultura xuquje’ Deportes, pa Agricultura, pa Ambiente xuquje’ pa Superintendencia rech Administración Tributaria (SAT), chi’ k’u ri’ eri alab’om alitom ya’tal wi chi ke rech juntir uwach taq ri kikaj kaketa’maj ri’ xuquje’ wene’ rech keniman che uya’ik kipatan taq pa taq tinamit ri’.

Eri Romero xuya’ ub’ixik che ri alab’om alitom ri’ are tajin kechakunik pa taq le ya’el patan pa kajib’ taq uwach kajb’alil ri’, eri kipatan are kanajtib’ pa b’elejeb’ ik’ ri’, ri junam ri’ ruk’ 728 chi kajb’alil are kanajtib’ le q’ij rech kakiya’o kipatan ri’, xuquje’ we are kakipatanij pa waqxaqib’ kajb’al ri’ eri kipatanil are kanajtib’ ri’ xa’ kajib’ ik’ panik’aj ri’.

Are rech b’a’ kink’iso nutzij ri’ eri Mingob kub’ij che ri Servicio Cívico ri’ are ya’talil rech kaya’ pa utzijol ri ub’anikil taq taqanik rech k’utb’e ri’, eri kupetisaj ri ub’inisaxik jun ch’ich’ tane’ are rech suk’ ub’inisaxik kab’an pa nimab’e pa taq tinamit ri’, are wa’ k’o utzalaj taq chak patan upetisam pa taq le ub’inisaxik ri’ e chi rij chik ri b’anow chomab’al rech pa k’utbe are chi rij ub’anikil unimaxik ri taqanik ruk’ ri tajin kak’ex chech ri’.

COMPARTIR