Are rech taqim resaxik uchupsaxik ri tiko’n ichaj Amapola xuquje’ Marihuana chi uwi’ taq juyub’ rech San Marcos k’a lunes ri’ aretaq xmajtaj uchupsaxik uwach kumal taq ri wokajil ajchajil tinamit ri’, rumal ri Quinto Viceministerio xuquje’ ri Wokajil Ajchajil Amaq’ xuquje’ ruk’ rachb’ilanik ri Ministerio Público”, xcha’ ri Yodzaida García, Sub Directora rech Subdirección rech Análisis xuquje’ Información Antinarcótica (SGAIA).

Pa le nab’e q’ij che ri xb’antaj kowinem uchupsaxik ri’, xb’antaj kowinem xqupixik pa 18 nima’q peraj juyub’ ri’ le tiko’n rech Amapola, are wari’ eri rajil are 230.5 q’inomalil pa ub’anikil upwaqil amaq’ Iximulew ri’.

We kamik pa le ukab’ q’ij esam chik ri awan ichaj maj pa usaqil ri’ pa le aldea Calapte, rech ri juyub’ tinamit rech Ixchiguan ruk’ ronojel kichak patan ri eqa’lenelab’ rech Antinarcótico ri’ xq’alajin k’ut che k’o ronojel kichuq’ab’ xkikoj che resaxik wa’ pa taq k’axalaj juyub’ taq’aj ri’, pa komonchak kumal ri wokajil ajchajinelab’ ri’ rech pa le uya’ik jun nimalaj utzilem chi ke ri winaq tinamit chi’.

Eri ub’eyal ub’anikil uchupsaxik ri’ are k’o nim kupatanij chi’

Rumal ri’ eri Oficial Olivares rech ri Wokajil Ajchajil Tinamit (PNC) xuya’ ub’ixik che pa le SGAIA ri’, xchomax wi che pa komonchak kab’an resaxik wari’ chi’ kumal ri Wokajil Ajchajil Amaq’, ri Ministerio Público, k’a pa le 24 rech febrero xuquje’ are wa’ xtaq ub’anik ruk’ ronojel ub’eyal ya’olchajinik ri’ rech kab’antaj ri’ jacha’ ri ronojel chomam ri’ rech pa keb’ q’ij resaxik kab’an ri’.

Rumal wari’ ketajin reqa’lenel ri Wokajil Ajchajil Amaq’, ri Fuerzas de Tarea Tecun Uman, Xinca, Chortí ri’, ri ch’ich’ J-8, ri Inspectoría, ri jachakunb’al rech ri Fuerzas Especiales rech ri Wokajil Ajchajil Tinamit (FEP), ri auto patrullas rech ri PNC xuquje’ konojel le eqa’lenel rech ri SGAIA rech xeb’e pa le uchupsaxik uwach ri awan ichaj maj pa usaqil ri’, xcha’ ri Olivares.