“Sib’alaj nuya’om wanima’ kuk’ ri winaq tinamit e aj iximulew xuquje’ kinki’kotik ruk’ ri nuchak taqkil kib’ano” ”

69

Aretaq jun junab’ ok’owinaq chik eri k’amal b’e rech ri Wokajil rech Migración, Carolina Miranda, xuya’ ub’ixik che ri wokajil ri’ k’o k’ax katajin uk’extajik uwach rumal jun k’ak’ ub’anikil taqanik chech ri’ uya’om k’ut ranima’ kuk’ ri winaq e aj iximulew ri’ rumal ri’ sib’alaj kaki’kotik rumal ri uchak patan ri’.

Ri Miranda ri’ xuya’ ub’ixik aretaq xopan ri are k’isinaq ri wujq’axb’al, rumal ri’ kuk’ ri komon e rajchak xkitoq’ij utaqik uloq’ik ri wujilal ri’ rech q’axb’al pa amaq’ ri’ xuquje’ jeri’ kaya’taj kiwujil ri winaq e aj iximulew ri’ rech kekowin b’a’ kakichap b’enam ri’.

“K’i uwach taq chak ri’ kojtajin che ub’anik pa uwi’q’ij ri’ rech pa le uchomaxik ri jun k’axk’olil ri’ ri xkik’ulmaj ri qawinaq e k’o pa taq naj tinamit ri’ jacha’ pa Iximulew ri’ ri man k’ot wiri’ ri wujilal ri’”, xcha’ ri Miranda.

Emu wari’ ri chak ri’ tajin utz’aqatik ub’anik ri’ rech utz kichomaxik kb’an ri kiq’axnik ri winaq pa taq amaq’ ri’ xuquje’ pa ub’anikil aduanero, rumal ri’ sib’alaj xuchap ri komonb’al chak patan kumal ri Iximulew ruk’ Honduras ri’, we kamik are k’o chik pa taq ilob’al solinik kiq’axnik ri’.

Xuquje’ eri Iximulew ri’ are ilol rech uk’amik ub’eyal ri chomanik kumal ri k’amal b’e pa Centroamérica chi rij ri Wujq’axb’alil ri’ pa taq le tinamit, che ri kojom ri cholchak chi rij ri taqawokaj chomanik chi rij kiq’axnik ri winaq pa amaq’il ri’.

Eri Miranda xuya’ ub’ixik che ketajin che uchakuxik ri’ rech kakichomaj ri winaq che ri kikaj keb’e pa taq nik’aj chik tinamit naj, rech kakiya’ pa uq’ijol kek’oji wiri pa le uwachwuj pa kemamtzij ri’.

“We jun b’anikil ri’ are kupatanij wexa’ k’o jun winaq taqom uchapik rumal q’altb’altzij ri’ xuquje’ wexa’ man reta’m taj che xchomataj rij ri’ xuquje’ rech kab’e ta chik pa cholajinik ri’ xuquje’ are wa’ kupatanij rech kuta chi’”, xcha’ ri k’amal b’e ri’.

Pa uk’isb’alil, k’o chik jaqem uwach upatanixik ri cholchak ri’ rech kuk’ul panoq ri qawinaq che kechap loq ke’opan pa le Fuerza Aérea Guatemalteca (FAG), chi k’u ri’ eri Miranda xub’ij che kek’ul pa kitujelil ri taq ak’alab’ ri maj kachib’il kepe ri’, are rech kaya’ jun utzalaj k’ulem chi ke ri’ jacha’ ri rajawaxik chi ke ri’.

“Sib’alaj kinmaltyoxij rumal kikub’sim kik’u’x ri winaq chuwij ri’ xuquje’ rumal ri’ kaqaterenb’ej ruk’ ri chak patan ri’ kuk’ ri qawinaqil ri’”, xcha’ ri K’amal b’e rech Migración Carolina Miranda.

COMPARTIR