Katajin ub’anik k’ak’ che uwach ri Wokajil Japache’ ri’

209

 “E rix kixtajin che b’anow tzijolinik ri’”, xcha’ ri Ministro de Gobernación Francisco Rivas pa le 12 rech ik’ septiembre, aretaq xujaq uwach ri  nab’e uwach ri retal tijob’enik chi ke ri Eqa’lenelab’ rech Ub’anikil Ya’olchajinik chi’, ri kek’oji chupam ri K’ak’ Ub’anikil Ya’b’al patanem chi’.

Aretaq xq’axaxik ri etab’al k’otojchi’aj ri’ chuxe’ na ri tijob’en ib’, 35 chi achijab’ xuquje’ e 54 ixoqib’ kakik’is ri’ pa diciembre katijoxik pa República Dominicana.

Rumal k’u ri’ eri utak’alib’al rech kakojik jun K’ak’ Ub’anikil Japache’ ri’ ri no’jim ketajin che uchakuxik ri’ ruk’ utob’anik ri pwaqilal ya’tal kumal ri taqawokajil rech Estados Unidos xuquje’ ri República Dominicana.

Xuquje’ are ri’ tajin uchakuxik pa le uya’kik ri ja chi’ ri k’o wi kanoq ri etz’anib’alil rech Guatel pa le tinamit rech Villa Nueva, chi’ k’u ri’ kakoj wi uchak upatan ri’, k’a kamajtaj ri ik’ diciembre ri’, chi’ k’ut kak’oji wi jun nim tz’apib’alil kech ixoqib’ kachi’l taq kal k’a te kajib’ kijunab’ ri’, xuquje’ ri ixoqib’ e ri’j chik xuquje’ che ri ketajin che utojik k’ax kib’anom ri’ kuk’ ri e sib’alaj e yowab’  chik.

Eri tijob’al kakiya’o wi’ ya’olchajinik ri k’ak’ taq Eqa’lenelab’ kechajinik ri’ xuquje’ chi’ k’u ri’ kakoj wi k’olib’al tijonem xuquje’ chi’ k’u ri’ kab’an wi chak pa jun nimab’al ri’, pa jun nimalaj yakonik pa ch’ajch’ob’elil ri’.

Eri uchak patan ri Ministro Rivas, qastzij k’ut uk’amom uq’ab’il ri chak patan rech kayakik ri K’ak’ B’anikil rech B’anow Patan pa Japache’ ri’, ri jalajoj ri’ chuwach ri Japache’ k’o kamik pa we amaq’ ri’ xuquje’ pa le k’isb’al taq jo’lajuj junab’ ri’ b’anom taq chik utzil che. Xuquje’ katajin k’ut ub’anik jun K’ak’ chomanik rech b’anow k’ax taqanik pa japache’ ri’, rech kuwa’lijsaj uwach jun K’ak’ B’anikil rech kuk’ex uwach juntir kib’antajik ri e ajpache’ e tz’apilik ri’, rech kasek’umaxik xuquje’ rech ketzalij chik pa taq kachoch kik’olib’alil ri’, xuquje’ rech ya’b’al utzilem kub’sib’al k’u’x chi ke ri winaqilal ri’.

We jun b’anow k’ak’ Ub’anikil ri Chak Patan pa le Japache’ ri’ are tob’atal uwach rumal ri utzalaj uk’aslemam chik rumal ri República Dominicana, ri xmajtaj uchakuxik loq k’a le 2003. Eri rajilab’al b’anow k’ax pa jumul chik kumal ri e tz’apil pa che’ ri’ are man nim ta chik ri k’ax kib’anom ri k’o chuxe’ ri 5% junumisam ri’ ruk’ ri b’anow k’ax b’anom chik kumal pa jun 70% ri e pa japache’ ri’ kojpa’ e petinaq ri’.

Swiffy Output
COMPARTIR