Eri Nuk’ulib’al APAE karetaj na uwach ri chak patan b’anom rumal ri PNC

88

Are b’a’ kachomaxik rech katerenb’exik uya’ik uchuq’ab’ ri Wokajil Ajchajil Tinamit, rumal ri’ eri jun chik k’amal b’e rech ri PNC, Carlos Lemus, xujach jun Wujilal rech Nuk’ulib’al uwach ri Etab’anem rech Chak patan ri’ xuquje’ ri Uk’ulib’al rech Uterenb’exik ri chak patan kakib’an ri Eqa’lenelab’ rech ri Ajtob’anel Chajinem ri’ (APAE), che ri Viceministro rech Ya’olchajinik rech Gobernación, Ricardo Guzmán Loyo.

Are wari’ are rech kaya’ reta’maxik kakoj jun etab’anem ri’, che ri are wa’ kupaj uwach xuquje’ rech kilik uchuq’ab’il kichak kakib’an ri eqa’lenelab’ ajchajil tinamit ri’ xuquje’ pa utaqixik unimaxik ri kichak patan pa le wokajil ri’.

We jun cholchak ri’ xya’taj utob’anik chi rij ri’ rumal ri Taqawokaj rech Estados Unidos ri’ pa le reqale’nib’al ri Sección rech Asuntos Antinarcóticos xuquje’ rech Kojb’al rech ri Taqanem ri’ (INL) ri k’amom ub’e rumal ri Jame Dohirty.

Rumal wa’ eri Guzmán, xub’ij “we jun eta’nib’al b’anow ri’ are b’anom ri’ rech kakoj pa juntir k’amow ub’e chak patan ri’ xuquje’ are wa’ kuya’ pa nuq’ab’ rech kine che usolixik ri chak patan che ri kib’an ix”.

Eri taqawokajnel ri’ xub’ij: “eri kuwaj in che ri Inspectoría General are rech man k’ot itzel winaq kukoj rib’ pa le uwokajil ri PNC ri’. Eri itzel winaq ri’ man kaqaj ta kuwach ri’, xa’rumal eri uj uj k’o pa le nimanem chak patan ri’. Xuquje’ aretaq kojil qakojom ratzi’yaqb’al qachak patan pa le wokajilal ri’ are kuq’ansan qaq’ij ri’”.

Pa k’isb’al rech eri Guzmán xub’ij: “kinta chiwe ix taqanelab’ ri’ pa le we jun cholchak ri’ xaq ta k’o kakol kanoq ri’ xaq taq k’o kasach kanoq ri’. Xuquje’ kinb’ij chiwe che kinya’o nutzij rech kinwichb’ilaj unimaxik jun ub’anikil etab’al b’anow ri’ xuquje’ ri rech iwetab’axik ri ix pa le chak patan tajin kib’an pa le wokajil ya’olchajinik ri’ rech k’o jun utzalaj unimaxik patan ri’”.

Rumal ri’ eri Lemus, xub’ij che ri b’anow chak ri’ are rech kab’an utz che uya’ik uchuq’ab’il ri b’inisam b’anow tijonem ri’ xuquje’ pa le etab’anem chi ke ri ajchak pa le kapatanixik ri tinamit ri’.

“b’antaj keb’ junam majom chi loq we ruk’ jun cholchak patan ri’ xuquje’ k’o waqxaqib’ retab’alil tijonem kaya’taj ri’ kumal e ajtijonelab’ estadounidense xuquje’ are wa’ tijonem ri’ kaya’tajik pa le jujun taq uk’olib’al ya’olchajinik pa tinamit ri’”.

Eri e k’ak’al alab’om alitom che ri e k’o pa le cholchak APAE e are k’u ri keb’ mil e k’ak’ chi eqa’lenelab’ rech ya’olchajinem pa tinamit ri’.

Swiffy Output
COMPARTIR