Katajin ya’ol utzijoxik ri Ub’eyal Cholchak pa Tinamit rech Q’atel k’ax pa Chinautla

73

Rech b’a’ katerenb’ex uya’ik utzijolil ri Ub’eyal Nuk’chomanik pa Tinamit pa le Uq’atexik ri B’anow k’ax ri’, eri q’atb’altzij k’amal b’e rech ri Ministerio Público, ri rech Q’atb’altzij, ri Nuk’wokaj Winaqilal, ri rech Wokajil e Ajpoq’al chak Meb’il, ri eqa’lenelab’ rech ri comisaría 11, 12 xuquje’ 16 rech ri Wokajil Ajchajil Tinamit xuquje’ pa reqale’nib’al ri Urox Viceministerio k’o ri licenciado Max Marroquín, xetatb’enik pa k’utttijonem rech b’anow chomanik ri’ pa uq’ab’tinamit rech Chinautla.

Pa ub’i’ ri Ministerio Público eri Fiscal Maritza Rodríguez, xub’ij “eri  uq’ab’tinamit rech Chinautla k’o pa le nab’e taq kajib’ ri kak’ulmataj wi sib’alaj b’anow k’ax ri’ pa we amaq’ xuquje’ are ri urox e k’i winaq e jaqal chupam le juyub’ tinamit rech Iximulew. Rumal ri’ kaqaj uj kaqamaltyoxij che ri urox viceministerio rumal xuk’am pa le b’anow chomanik ri uq’ab’tinamit ri’, rumal xuk’am chupam we Ub’eyal Cholchak ri’ rumal k’ut rajawaxik kaq’alajinik ri uwachinik pa aninaqil pa unik’ajil pa unajil ri’ uq’ajik uchuq’ab’ ri b’anow k’ax kamisanik ri’, are wari’ sib’alaj k’o nim kupatanij chaqe uj xuquje’ pa we uq’ijol chaqe uj ri’”.

En k’u ri’ le Marroquín ri’, pa ub’i’ rech ri Viceministro Axel Romero, xumaltyoxij ri tijob’al chuq’ab’ ri’ xuquje’ ri ya’b’al ri no’jinik chi rij ri’ kumal konojel ri xetatb’en chi’ che uya’ik una’tixik uwokik ri jun Ub’eyal Cholchak ri’.

 “Eri kuk’isb’ej utaqixik ronojel wari’ are rech kajach chi ke taq ri juyub’ tinamit ri’ xuquje’ chi ke ri komon winaqil le jun wujilal rech b’a’ kakojik kapatanixik, rech ketaxik ub’antajil ri’ xuquje’ pa joremal jikomal ri’”

Rumal ri’ eri Inspecto Colindres, pa kib’i’ taq ri eqa’lenelab’ rech taq ri Comisarías 12, 14, xuquje’ 16 rech ri Wokajil Ajchajil Tinamit (PNC), xuya’ ub’ixik che are wa’ kuya’ nim utzilem ki’kotemal chi ke ri ketatb’en pa taq le molaj rech b’anow chomanik ri’ rech uya’ik jun utzalaj b’anikil ya’olchajinik pa le uq’ab’tinamit ri’.

Sib’alaj xuya’ ub’ixik eri kamisan winaq xuquje’ ri b’anow k’ax elaq’nik are kaq’alajinik che ri b’anow k’ax ri’ are tajin kak’ulmataj pa taq ja achalalil ri’ rech pa taq achochib’alil rech Chinautla xuquje’ eri k’uttijonem ri’ are k’o nimalaj  kupatanij chi’ rech kach’ob’ik jas uq’atexik we jun chik uwach b’anow k’ax ri’.

 

Swiffy Output
COMPARTIR