Ri Wokajil rech Q’atel K’ax xujach uwach ri uchak patan xub’an pa le 2016

267

Eri molin ib’ xb’anik are rech b’a’ ketaxik nikpa’ uwach chak patan xb’antajik pa le q’aten b’anow k’ax pa le junb’ 2016 xuquje’ are rech keta’maxik ri utaqim usuk’axik ri cholchak pa we junab’ ri’, eri urox Viceministro Axel Romero xmolin kuk’ ri molaj rajchak ri Subdirección General rech Q’atel B’anow K’ax  rech ri Wokajil Ajchajil Tinamit ri’.

Eri Viceministro Romero xuya’ ub’ixik che we molin ib’ ri’ are rech jachb’al rech ri ub’ixikil rech chak b’anom pa le 2016, rech kaya’ pa k’utik ri chak b’anom ri’ ruk’ tijob’al chuq’ab’ xya’taj ri’ chi ke ri winaq tinamit pa Iximulew ri’, xuquje’ eri uno’jixik rech uya’ik uchuq’ab’il ri Wokajil Q’atel B’anow K’ax ri’, are rech b’a’ kuya’ pa retalil utzalaj ub’anik ri chak patan pa le 2017.

Eri cholchak kapatanixik pa we junab’ ri’ are job’ uwach taq ri’: Ri K’ib’antajil ri’, ri Junamil kuwach Ixoqib’ Achijab’, ri B’anow Chomanik pa taq komonb’al winaqil ri’, ri Kub’sib’al k’u’x Tijob’alil, xuquje’ rech Cultura xuquje’ Deportes ri kaya’taj ri’ kichuq’ab’ ri’ rech ke’ok pa jalajoj k’amow b’e pa tinamit ri’, xcha’ ri Romero.

Eri Comisario José Antonio Tzuban, Subdirector rech ri Wokaj chakpatan ri’ utz b’a’ ri chak xub’an pa le 2016 xa’rumal b’a’ xkowin che ub’anik juntir ri xutaqij uchakuxik uwach ri’.

Che ri chak xb’antaj kuk’ ri tinamit are ri’ ri 38 chi Komonb’alil rech q’atel k’ax pa le Tinamit ri’ xuquje’ pa le 51 Komonb’alil chik, xuquje’ k’o ri’ le 54 ub’eyal ilonem chomanik xb’antaj pa taq le komonb’alil ri che ri qas xq’atexik wi b’anow taq k’ax.

Pa le ub’anikil k’uttijonem ri’ xb’antaj kowinem xetzijob’exik ri winaq tinamit chi rij ri q’atel b’anow k’ax ri’ pa 275 mil 332  chi ajtijoxela’ xuquje’ kuk’ 55,959 chi winaqil ri’.
Pa taq le programa Escuelas Seguras ri’, k’o 25 mil 690 ya’olchajinik xwa’katexik uwach ri’ pa taq le  75 k’olib’al tijob’al ri’ xuquje’ rumal ri’ k’o nim utzilem xya’taj chi ke e 13 mil 121 alab’om alitom xuquje’ alaj taq ak’alab’ ri’.

Xuquje’ eri chak xb’anik rech q’axaltzijol pa le taqawokajil rech ajchajin tinamit are wari’: chi rij k’i uwach taq taqanik ri’, kitzukuxik pa aninaqil ixoqib’ e sachinaq, ri k’ak’ kuwach taq achijab’ ri’, ri ub’anikil chomab’al rech junamil winaq ri’, ri Ya’talil tob’anik chi ke ri alaj taq ak’alab’, ri taq ak’alab’ e ok’awel, ri umajik pora’n, kich’ayik xuquje’ kik’atsaxik wiinaq ri’, ub’antajil kino’jb’alil Winaqib’ xuquje’ ri tzijob’enik pa taq komonb’al winaqilal ri’, chi’ k’u ri’ e k’o 30 mil chi winaqilal xetatb’enik chi rij taq utzijob’exik k’iyalaj taq uwachtzijonem ri’.

Eri cholchak kepatanixik pa le 2017, are ri’ ri programas DARE, GREAT, LAP xuquje’ Awichib’il ri Ajchajin Tinamit ri’ pa taq le tijob’al pa tinamit rumal ri taqawokaj xuquje’ pa taq tijob’al tojom ri’ rech taq saqarib’al xuquje’ rech taq qajib’al q’ij rech pa le Rulewal Nimatinamit rech Iximulew ri’, rech b’a’ kaq’atexik ri b’anow k’ax ri’ xuquje’ rech keto’ik ri alaj taq ak’alab’ kuk’ ri alab’om alitom keraqataj pa k’axk’olil ri’.

Eri Viceministro Romero xuya’ ub’ixik che ronojel ri chak ri’ katajin ub’anik k’a pa le Subdirección rech Q’atel K’ax rech ri PNC ri’, katerenb’ex ri’ upatanixik pa komonb’alil k’a pa le urox Vicedespacho ri’ xuquje’ eri Nim Ub’eyal Q’atel k’ax pa Tinamit ri’ are katajin uwokik pa jun chik k’ak’ ropanb’alil pa tinamit ri’ pa le uchak patan ri taqawokaj pa amaq’ ri’.

COMPARTIR