Ruk’ taq b’anow k’utb’al je’lalil ub’anikil kuk’ e 150 ajq’ojomanelab’ rech ri Escuela Rural Mixta Villa Lobos 2, xkik’is uwach ri Tijob’en ib’ pa Tijob’al rech pa Uxulanem q’ij ri’ ri xya’taj ri’ kumal ri eqa’lenelab’ rech ri Subdirección General rech ri Q’atel K’ax rech ri Wokajil Ajchajil Tinamit ri’ (PNC). Pa le k’isb’al uwach ri tijob’enik ri’ xetatb’enik ri Juan Orozco rech ri Unidad rech Prevención Comunitaria xuquje’ Q’atenik k’ax ri’ (UPCV), ri Otoniel Sandoval K’amal b’e rech ri departamento rech Transito; ri al Marta Ventura rech ri agencia Internacional rech Japón; xuquje’ ri a José Antonio Tzuban Gómez, ukab’ k’amal b’e rech ri Q’atel k’ax rech ri PNC.

Pa taq le tijob’en ib’ ri’ le xnajtib’ jun ik’, chi’ k’ut k’o eta’manik xb’antaj chi rij ub’anik taq jastaq, xuquje’ chi rij b’anow xojoj xuquje’ rech uq’ojomisaxik jujun q’ojomsib’al ri’; rech b’a’ eri taq ala xuquje’ taq ali rech man ke’ok ta kuk’ nik’aj molaj b’anow k’ax ri’.

Eri Tzub’an Gómez, ukab’ k’amal b’e rech ri Q’atenik k’ax pa le PNC, xuya’ k’ut ub’ixik che we ri cholchak ri’ are kanimarisax uwach pa jun chik junab’ ri’, kojpa’ k’ut ri xkita uwach utzijoll ri kitat nan ri taq ak’alab’ rech ri tijob’al ib’ ri’.

“Eri chakunem ri’ are kab’an pa taq ri tijob’al ib’ ri k’o nim kipatanil ri’, rumal ri’ kojtajin che ri utzukuxik eri taq ak’alab’ ri’ man k’ot kuwach kuk’ ri nik’aj molaj b’anol k’ax ri’. Rumal ri’ kojtajin che uwa’ljisaxik jun nim k’amow ib’ kuk’ ri winaqilal ri’ xuquje’ rech kaya’taj chi ke ri jamalil esam chi ke ri’”, xcha’ ri Gómez.

Xuquje’ k’o jun nan chi’ xkub’isaj ub’ixik che e k’o keb’ taq e are jun pa le tijob’enik ri’ xya’ rumal ri PNC chi’, ri are k’ut xub’ij xurilo che jun ub’anikil xk’extaj chi ke ri’ rumal ri’ sib’alaj ki’kotem che ri are xetatb’en ri ral pa taq le tijob’al pa uxulanem q’ij chi’.

Eri ali xok che uq’osil ri tijob’al ib’ rech pa Uxulanem q’ij ri’, Mishell García, xpixb’anik aretaq xch’a’w kuk’ ri rachib’il chi’ rech suk’ jikom kakib’an che kib’ ri’ xuquje’ chakib’ano e niminel che kib’ ri’.

COMPARTIR