Eri jukub’ xraqatajik qaraj k’o 6 mil chi pajb’al awan kunab’alil uq’axim ri’

142

Aretaq xraqatajik ri jun jukub’ re kab’insax pa ja’ ri’ are ri’ xraqatajik pa le embarcadero Zarampaña, aldea Las Lisas, pa juyub’ tinamit rech Chiquimulilla, Santa Rosa, je ri’ xuya’ ub’ixik ri viceministro Antinarcótico, Oscar Dávila, are wa’ le nab’e mul xraqataj wa’ pa jun ja katajin uya’ik ri’.

Eri ya’olchajinik xb’an chi rij ri’ are uwach jun tzukunem xb’an b’a’ rumal k’o jun xuya’ ub’ixik panoq che awilik chi rij wari’.

 “Pa taq le juyub’ chi’ xraqataj wi rachib’al rech jas ub’anik uwokik ri jun jukub’ ri’ xb’anik rech nim jukub’ kab’an che rech jun chi jukub’ taq kab’in xe’ ja’ ri qaraj k’o 5 mil pa 6 mil chi pajb’al rech cocaína xq’axaj ri’”, xcha’ ri Dávila.

Eri winaq ketajin che uwokik jun jukub’ ri’, e uwinaqil colombiana xuquje’ nicaragüenses. “Qajunumisam k’i uwach taq tzukunik b’anom pa taq nik’aj chik najtinamit ri kiraqom jukub’ kojpa’ ri jun ri’ xuquje’ are e b’anom rech chi awilik keb’insaxik man k’ot kilow kech xuquje’ e are e kojom che uq’axaxik ri awan kunab’al ri’, emu wa’ ri tzukunem katajin na chi rij ri’”, xcha’ ri patanel ri’.

We jun jukub’ erel jastaq ri’ are b’anom rech kuq’i’ jun 60 por ciento chi jastaq chupam ri’ xuquje’ we kamik ri’ xb’antaj ri tzukunem chi rij rumal ri Molaj Sak’ajil Halcones rech ri Subdirección General rech Análisis e Información Antinarcótica (SGAIA) xuquje’ kumal ri q’atol tzij rech ri Ministerio Público (MP).

Swiffy Output
COMPARTIR