Xopan usolixik ri yakon ja pa le COF

364

Qaraj pa le ik’ octubre tajin rilik kak’is uya’ik ri Nim upam ja achochib’al ri’, ri keb’ raqan rech 650 metros pa kajtzalaj uwach pa le Japache’ kech Ixoqib’ ri’ (COF), ri karaqataj pa le Finca Pavón pa Fraijanes, Iximulew ri’, ri k’o pa jun mil 400 metros pa kajtzalaj uwach ri’, je ri’ ub’ixik xub’an ri Ministro rech Gobernación, Francisco Rivas Lara, aretaq xopan chi’ xrachb’ilaj ri Beatriz Betegón oficial rech Programas ri’ xuquje’ ri Rolando López Morán are ajq’atol chak ri’, eri keb’ ri’ e rech ri Programa rech Apoyo che ri Ya’olchajinik ruk’ ri Q’atb’altzij pa Iximulew ri’ (SEJUST) rech ri Unión Europea.

Rumal ri’ kojtajin che usolixik uwach ri’ pa komon kuk’ ri q’atb’altzij rech ri SEJUST, rechr i Unión Europea rech ya’tal pa ilonem ri uyakik ri ja achochib’alil chi’ kumal ri q’atb’altzij rech ri taqawokaj amaq’ ri’, eri b’anoj Ka’nuk’ uwach ri’ are kak’am b’ik ri Wokajil Japache’ ri’ pa jun ub’anikil ri’. Pa le uyakik ri k’ak’ upam taq ja achochib’al ri’ ruk’ wa’ kaloq’oxik kib’antajik ri nan e tz’apil ri’ kamik, emu wa kupatanij rech kasuk’ub’axik ri kek’oji wi xa’rumal eri e are e winaq loq’ uwach kik’aslemal kuk’ ri taq kal pa le jun ja tz’apib’al ri’” xcha’ ri Rivas Lara.

Chi rij ri yab’al tob’anik ri’, “Xub’ij ronojel ri tinamit rech ri Unión Europea amaq’el xetob’an k’ut loq ruk’ ri Iximulew pa le yab’al ilonem tob’anik chi ke ri winaq tinamit ri’ xuquje’ pa le ya’olchajinik ruk’ b’anoj q’atoj tzij ri’. Eri uj k’ut uj q’atb’altzij are wa’ nim kaqaloq’oj ri’ xuquje’ eri in in Ministro rech Gobernación in ya’om juntir ub’anikil tob’anik che ri upatanixik juntir ri ch’ob’otal chak ri’ rech kab’antaj kowinem kab’antaj ri’”.

Eri yakon ja ri’ kunimaj ri’ ri taqom ub’ixik kumal ri tinamit pa uwachulew ri’

Eri Beatriz Betegón xuya’ ub’ixik che ri Unión Europea petinaq che ya’oj tob’anik pa Iximulew ri’ k’a aretaq xejuch’ ri Nuk’chomanik rech Joremal ri’ pa le uyakik pa jumul chik ri yakon ja pa le taqawokaj rech ya’talil xuquje’ pa le ub’anikil ri q’atoj tzij ri’.

 “Ruk’ wa’ ri k’isb’al cholb’al chak pa le SEJUST ri’, ri k’o 20 millones rech pwaqil euros ri’, are kaqil ronojel ri wokajil suk’umalil ri’ xuquje’ pa le Wokajil Japache’ ri’ pa le usuk’umaxik ri ja keyakik pa le Wokajil Japache’ ri’ ri kunimaj ri taqom ub’ixik ri’ kumal ri tinamit pa uwachulew ri’ eri upam ja kech ri nan e ixoqib’ ri’ rech kek’oji chi’ kuk’ taq kal ri’” xcha’ ri jun Q’atolt zij rech ri Programas rech ri Ajtaqo’n rech ri Unión Europea ri’.

K’o utz k’olib’em kek’ob’ wi ri taq ak’alab’

Eri Rolando López Morán xuya’ ub’ixik che ri wokomja ri’ k’o ri’ jun nab’e chuxe’ ri’ ri kak’oji wi ri q’atb’altzij rech chak ri’, ri rech b’anb’al wa, ri rech iyib’anik, ri rech ke’etz’an wi ri taq ak’alab’, ri ketu’tisax wi ri alaj taq ne’, ri ke’etinisax wi ri taq ak’alab’, ri ke’itin wi winaq ri’, ri kab’an wi ch’ajo’manik, ri kekol wi jastaq rech ri uchokonsab’al yab’al ilonem chi’ xuquje’ ri k’o wi jun uwo ja chi’.

Xub’ij chik, pa le ukab’ upam ri wokomja ri’ chi’ kek’oji e ka’winaq e ajpache’ ruk’ ki’itinab’al xuquje’ kik’olib’al taq ne’, ruk’ uk’olib’al chajib’al, xuquje’ kik’olib’al ri kematz’ib’ ri’, ri ch’a’wb’alil panoq, ri nuk’wokaj chajib’al ruk’ esab’al wachi8b’al rech pa aninaqil ri’ ruk’ q’atb’al kaqulja ri’.

Ilom chik eri ch’ob’otal chak ri’ are kak’isik pa ik’ octubre rech pa we juanb’ ri’ xuquje’ eri rajil are waqib’ panik’aj q’inomal pwaq aj iximulew ri’, ronojel wa’ ya’om rumal ri Unión Europea ri’” xcha’.

COMPARTIR