Tajin Solinik pa le Japache’ rech Los Jocotes

178

Eri Viceministro rech Q’atel k’ax, Axel Romero xopan pa jun solinik pa le rachoch japache’ kech achijab’ xuquje’ ixoqib’ pa Los Jocotes k’o Zacapa, chi’ k’u ri’ e tz’apil wi e 789 chi winaq e ajpache’ e tz’apil chi’.

Pa ub’ik chi’ eri taqawokajnel ri’ achb’ilam b’ik rumal ri K’amal b’e Tinamit ri’, Salvador Cordón; ri Ajkalte rech Zacap, Julio Sánchez xuquje’ ri ixoqib’ e k’amal b’e rech ri Komonb’al chomanik ub’i’ Artesana ri’.

Eri Viceministro Romero xob’an che jun solinik chi’ pa le Japache’ Tz’apib’al chi’ chi’ k’u ri’ xmolin kuk’ ri e ajpache’ chi’ xuquje’ kuk’ ri kachalal ri’, are rech b’a’ xopan che rilik jas ri kib’antajil keraqataj chi’ xuquje’ chi’ k’ut xril wi che ri e ajch’ab’inelab’ ke’opan chi’ e k’o ak’alab’ chi kuxo’l ri’, eri upanib’al chi’ are rech xe’usolij jas kila’wchixik tajin kab’an chi’ chi ke ri taq ak’alab’, taq alab’om taq alitom kuk’ ri alab’om alitom keraqataj kuk’ ri kinan chi’.

Are kachomaxik ri jun k’axk’olil chi’ are katajin uchomaxik kakoj jun k’olib’al chi’ rech kechajix wi ri taq ak’alab’ ri’ xuquje’ rech k’o keya’ wi ri taq ali taq ala aretaq ke’opan che kilik ri kinan kitat ri’ xuquje’ rech man k’ot k’ax kakiraq pa le japache’ ri’.

“Katajin ukojik we jun cholchak ri’ ruk’ ri K’amal b’e Tinamit chi’ xuquje’ ruk’ ri Colectiva Artesana, are rech b’a’ kakojik utz taq jamalil rech keloq’ox ri winaq ri’ xuquje’ rech kaq’atexik ri b’anow k’ax chi’ chi ke ri taq ak’alab’ ri’ ri k’o kitat nan e tz’apil chi’”, xcha’ ri Romero.

Ri Andrea Barrios rech ri Colectiva Artesana, xuya’ ub’ixik ri’ eri kib’antajil ri taq ak’alab’ kalk’uwal ri e ajpache’ keraqataj chi’ k’o jun nim ch’ob’ow xb’an chi kij ri’ pa taq b’elejeb’ japache’ ri’ xuquje’ rumal ri’ xch’ob’ik che e k’o 2,136 chi taq ala taq ali keraqataj kuk’ ri kinan pa taq le jumulaj japache’ ri’.

Eri cholchak ri’ are kutzukuj rech ya’b’al utzilem chi ke ri e ajpache’ chi’ xuquje’ rech tajin uchomaxik kayak jun ja rech kak’oji wi ri ja’ rech kab’an utzilem che xuquje’ rech kab’an utz che uya’ik kija’ ri e tz’apil chi’.

Eri Gobernador Cordón xuya’ ub’ixik che are rajawaxik kab’an uchomaxik pa aninaqil rech kachakux uwach ri ja’ che kopan chi’ xa’rumal are pa taq q’alaj ri’ eri ja’ pa le k’uwa’ chi’ aretaq kanojik, k’o nim k’ax kub’an panoq chi ke ri winaq e japal chi rij ri’.

Swiffy Output
COMPARTIR