Xopan kasolixik ri ak’alab’ kal taq ri ixoqib’ che ri e tz’apil pache’ ri’

167

Are wa’ uwach jun k’amow chak patan rumal ri Ministerio rech Gobernación rech kuriko kanimaxik ri ya’talil winaqil chi ke taq ak’alab’ taq ali taq ali xuquje’ ri chi ke ri alab’om alitom che e kal ri ixoqib’ e tz’apil pache’, eri Viceministro rech Q’atel B’anow K’ax, Axel Romero, k’o jun ropanik xub’an pa le Centro rech Orientación Femenina (COF), k’o pa le Complejo Carcelario Fraijanes ri’.

Eri Viceministro Romero, xopan k’ut pa ch’abenik chi’ are rech utaqim rilik jas le nimaxik b’anom chi’ ri acuerdo ministerial 64 – 2016, “K’ak’ ub’anikil cholchak taqawokajil ri’ rech ya’b’al ilonem chi ke taq ak’alab’, taq ala taq ali xuquje’ chi ke alab’om alitom kal ri ixoqib’ che ri e tz’apil pache’ ri’ xuquje’ kal ri kal ixoqib’ e ajchajinel pache’ ri’.

“Kojtajin k’ut che rilik we utz we man utz keraqataj ri ixoqib’ pache’ ri’, che ri e k’o taq kal kuk’ pache’ ri’, rech kach’ob’ik jas kib’anik keraqataj chi’ xuquje’ rech keto’ ri’”, xcha’ ri Romero.

Eri ukojik b’a’ we jun b’anow ilob’alr i’ are xok pa uchak patan ri’ pa le 14 q’ij rech enero rech ri junab’ 2016, are ri’ kachakuxik pa kajib’ uwach b’anow chomanik ri’ pa taqawokajil ri’ che ri kakiraq kib’ pa jun mul che pa jun ik’ ri’; chupam wa’ k’o wi ri wokajil uno’jixik uwach ri b’anow ilonik chi ke ri ixoqib’ e tz’apil pache’ che ri taq kal k’a te kajib’ kijunab’ ri’.

Eri COF are jun wokajil che ri kanimax wi uwach tojb’al mak ri’ chi’ k’u ri’ ke’uq’i’o e 200 chi ixoqib’ xuquje’ we kamik e k’o 693 e tz’apil chi’. Pa jun chi ke ri k’olib’al chi’ e k’o e 26 chi taq ak’alab’ kajib’ taq kijunab’ ri’ che ri keraqataj kuk’ ri kinan che ketajin pa tojb’al mak k’ax kib’anom ri’ xuquje’ we jun b’anow olinik ri’ are xb’anik rech kasuk’umaxik uwach che ri kek’oji wi ri taq ak’alab’ taq ala taq ali rech utz kejaqab’ wi chi’.

Eri taqawokajnel xuya’ utzijol che we jun cholchak ri’ are k’o upatan uya’om pa le Colectivo Artesana pa k’i taq uk’olib’alil ri’, jacha’ pa le uterenb’exik ukojik ri b’anow ilonem ri’, kab’an ri ch’ob’ow chomanik chi ke ri taq ak’alab’ che ri keraqataj kuk’ ri kinan e tz’apil pache’ pa we amaq’ ri’ xuquje’ kilik nikpa’ pa kajilab’al ri taq ala taq ali kal ri ixoqib’ xuquje’ achijab’ che ri keraqataj pache’ ri’, rumal k’ut k’o k’i uwach taq k’axk’olil pa le kilik taq ri alaj ak’alab’ ri’.

We opanem chi’ are kab’an ri’ rech kach’ob’ik jas ri kak’ulmataj pa le Wokajil Japache’ ri’ rumal eri Urox Viceministerio are rajawtzij che rilik kesuk’umaxik wa’ jacha’ ri q’atel b’anow k’ax ri’, rech kela’wchixik ri winaq kakiraq k’ax ri’ xuquje’ ri b’anom k’ax chi ke ri’.

COMPARTIR