E k’o nik’aj b’anol k’ax rech barrio 18 xechapatajik rumal toq’inik pwaq ruk’ kamisanik tajin xkib’an ri’

89

E k’o kajib’ b’anol k’ax rech ri barrio 18, xechapataj ri’ pa jun ja k’olib’al pa le kilómetro 48.5, pa nimab’e Interamericana, Sumpango Sacatepéquez, oxib’ k’aqb’al xraqataj ruk’ ri’, jun raqarik k’aqb’al AK-47, ch’a’wb’alil xuquje’ ruk’ jun Tablet xraqataj kuk’ ri’.

Eri xechapatajik e are xch’ob’otaj kuwach ri’ a Edgar Eduardo Pirir, 30 ujunab’, a Walter Francisco Yaque Godoy, 25 ujunab’, al Pamela Zapeta Yanes, 22 ujunab’ xuquje’ jun salvadoreña ub’i’ al Ileana Margarita Alvarenga, 28 ujunab’ ri’.

Eri Jorge Aguilar, ajtzijolinel rech ri Wokajil Ajchajil Tinamit (PNC), xuya’ ub’ixik che ri nik’aj b’anol k’ax ri’ xechapatajik eri kimak kab’ixik are b’anow toq’inik pwaq chi ke winaq ri’ xuquje’ b’anow kamisanik xuquje’ eri kichapik ri’ are uwach ri tzukunem ya’olchajinik rech kiq’atexik b’anol k’ax ajtoq’inel pwaq katajin pa we amaq’ ri’.

COMPARTIR