Aretaq xb’antaj jun ch’ab’enik ri’ rech pa le rilik ub’anik jas ub’antajik keraqataj ri Japache’ rech taq Achijab’ xuquje’ rech taq Ixoqib’ pa Cobán, Alta Verapaz, eri Ajchomanelab’ kapetib’al Chilena xuquje’ ri Colectivo Artesana e achb’ilam rumal ri Urox Uq’ab’taqawokajnem, ruk’ ri Jachakunb’al rech Junamilal ri’ xuquje’ ri UPCV, xetatb’en pa le komon chak chomanik ri’, chi’ k’u ri’ xkitzijoj wi rij ri kik’aslemam pa taq le chakunem b’anom chi kuwach ri keb’ amaq’ nimatinamit ri’.

Pa taq le komonchomanik ri’, xeya’ pa k’utik ri q’atol tzij rech ri Ministerio Público, ri rech Organismo Judicial, ri rech Q’atb’altzij rech Cobán, ri rech Wokajil Ajchajil Tinamit, ri UPCV, ri Secretaría rech Bienestar Social rech ri Presidencia, xuquje’ ri Urox Viceministerio rech Kuq’al k’ax ri’, eri utaqim kuchomaj ri delegación Chilena are rech upatanixik jun cholchak rech nimkomon tob’anik kumal taq ri tinamit pa uwachulew ri’, ub’i’ FondoChile, rech ketob’anik ruk’ Panamá xuquje’ Iximulew ri’ are rech pa no’jimal kekoj ri taqanik ri’ xuquje’ ri rech katob’ab’al ri ya’talil chi ke ri taq ala ali xuquje’ ri alab’om alitom che ri e k’o kinan tat pache’ ri’.

Pa le k’utem kech ri rajchak ri Wokajil Ajchajil Tinamit rech Chile, ri ONG En Marcha, xuquje’ ri Ministerio rech Kak’iyemal Winaqilal ri’, xkiya’ ub’ixik che jacha’ ketajin k’a che upatanixik ri wokajil ri’ xkiya’ k’ut u’ixik che pa le oxib’ amaq’ nimatinamit ri’ qas junam k’ut ri chak patan katajin ri’.

Xkiya’o ub’ixik k’ut, che are k’o nim kupatanij ronojel che ri katajin ub’anik pa le uk’exik uwach juntir ri’, jacha’ ri b’anikil tajin kilik ri taq ak’alab’ ri’ kuk’ ri alab’om alitom ri’ kuk’ taq kinan tat pa taq le japache’ ri’.

Rumal ri’ eri Andrea Barrios rech ri Colectivo Artesana, xuya’ ub’ixik che we jun cholchak ri’ are katajin upatanixik pa Panamá ri’ xuquje’ k’a pa lunes ri’ pa we amaq’ ri’ k’o b’anow chomanik kab’an ri’ruk’ ri Ministerio rech Gobernación, ruk’ ri Procuraduría General rech pa we Amaq’il ri’, ruk’ ri Wokajil Japache’, k’o ch’ab’enik solinik kab’an ri’ pa taq ri wokajil ri’ rech b’a’ eri komon e ajch’ab’enik ri’ kakil k’ut ub’anikil ri k’aslemam pa taq le e ok’owinaq wiri’.

Xub’ij chik che ronojel ri wokajil ri’ e k’o kik’amow kib’e pa taq le wokajil rech ya’olchajinik ruk’ ri rech pa taq le q’atb’altzij k’o pa le Taqawokaj ri’ rech k’i uwach ri chomantzij kakib’an ri’ chi ke ri taq ala ali xuquje’ alab’om alitom ri’ chi rij ri ya’talil chi ri winaq e k’o pache’ ri’.

COMPARTIR