Tajin kaya’ uchuq’ab’ uchak patan ri DISETUR ruk’ chakub’al rech pa juyub’ k’ache’laj

124

Eri sipanem xb’antaj rumal ri Embajada rech Corea are xujach ri’ rech ub’anik utz che ri uchak patan pa le ya’olchajinik ri’, pa le kita’ik winaq xuquje’ pa le b’anow ya’olchajinik kumal ri eqa’lenelab’ rech ri DISETUR, are chajinik kaib’an cho taq ixkanul xuquje’ pa juyub’ k’ache’laj ri’ pa we amaq’, xuquje’ che ri qas ke’opan wi winaq pa wa’katem ri’ e aj chi’ pa Iximulew kuk’ ri kepe naj ri’, jeri’ utzijol xuya’ ri Comisario Erick Tórtola de León.

“Eri División rech Seguridad Turística, k’o taq juyub’ k’olib’em che ri ke’aq’an wi loq ri’ le eqa’lenelab’ rech kakiya’o chajinik chi ke ri e wa’katel winaq ri’ xuquje’ chi ke ri ke’eb’in chi’ pa taq le ik’ rech noviembre, diciembre, enero xuquje’ febrero, rumal ri’ eri chakub’al kakikojo are wa’ xsipax loq rumal Corea, pa le upatanib’al u’Embajador k’o chi’ pa qatinamit ri Sr. Wonhoo Lee rech kuya’ jun nim tob’anik pa le kichak patan ri’”, xcha’ ri Tórtola de León.

Rumal ri’ eri Embajador Wonhoo Lee, xuya’ ub’ixik che ri wokaj chakub’al xsipaxik are uwach ri’ k’o 12 ilob’alil rech naj, k’o 12 tzijb’al rech katzukuxik k’i kupatanij, k’o 24 k’olib’al rech warib’al, k’o 12 kuchb’al wi ja warib’al rech kajib’ winaq, k’o 12 tzakb’al rech wos keqaxik, k’o 12 nim eqab’al, k’o 12 uk’olib’al wos rech keqaxik, k’o 12 t’iqb’al b’e, k’o 12 uwach rech tikb’al rech b’anb’al ja warib’al, k’o 12 xut’b’al k’o k’utb’al b’e chech ri’ xuquje’ k’o waqib’ chisperos k’i upatanil are rajil pa ronojel 12 mil dólares ri’.

“Ruk’ wa’ jun ch’uti’n sipanik ri’ eri taqawokaj coreano are karaj eri ub’anikil kiwa’katib’al winaq pa Iximulew ri’ xuquje’ rumal ri DISETUR are k’o jun utzalaj uchak patan ub’anom rech q’atel k’ax, rech achb’ilanik xuquje’ rech pa le kachajixik ri winaq e wa’katelab’ ri’ che ri kepe chi’ rech ke’aq’an pa uwi taq ixkanul xuquje’ pa uwi juyub’ k’ache’laj pa we amaq’ ri’”, xcha’ ri Wonhoo Lee.

COMPARTIR