Tajin rilik ri chakum chik chi rij ri Ja rech Yowab’ Ixoqib’ rech ri Japache’ kech Ixoqib’  e Tz’apil ri’

174

Eri riqb’al ri’ are rech xilik ri chakum chi rij ri uyakik ri yakon ja ri’, el Embajador rech ri Unión Europea, Stefano Gatto xuquje’ ri Jorge rech ri Caballería, ri taqanel rech ri Unidad rech América Latina xuquje’ ri Caribe K’amal ub’e ri Cooperación rech K’iyemal ri’ rech ri  Comisión Europea, xe’opan ri’ pa solinik pa le Ja rech Kekunax wi le Ixoqib’ e Tz’apil pache’ ri’ (COF).

Aretaq xilotaj uwach ri yakonik ri’, are wa’ rech xilik rech utz kilik kab’an ri ixoqib’ e tz’apil chi’ kuk’ taq kal k’a te jo’ob’ kijunab’ ri’, eri Gatto xuya’ ub’ixik eri ja katajin uyakik ri’ are ruk’ upwaqil utob’anik ri Cooperación Europea, rumal upatanil jun programa are ub’i’ SEJUST, are ri’ kuya’o nimtob’anik che ri q’atb’altzij pa Iximulew ri’.

Xub’ij chik we jun ropanb’al ri cholb’al chak ri’ are k’o k’i taq chomanem chakunik rech tijob’enik katajin ri’ xuquje’ are wa rech uya’ik uchuq’ab’ ri INACIF ri’ pa le upatanixik kich’akul taq kaminaqib’ ri’ pa le ub’antajil japache’ ri xa’ pa keb’ oxib’ q’ij chik kajach pa uq’ab’ ri Ministerio rech Gobernación nik’aj yakonik ri’.

“Are wa’ kayak ri’ rech utz ub’anikil b’a’ kek’oji wi ri taq ak’alab’ chi’, rech man k’ot titz’ib’al ib’ kakib’an chi’, jeri’ pa taq le ch’ajamb’alil, jeri’ pa taq le b’anb’al wa’, jeri’ pa taq tijob’al wa, jeri’ pa taq b’anb’al etz’anem, jeri’ pa taq b’anb’al kikunaxik ri yowab’ ri’, jeri’ rech qas jamal uwach kewar wiri’ taq ak’alab’, rech saq tzijom upam ri’, xuquje’ jeri’ ri nan chi’ saq kakib’an che kib’ ri’ kuk’ taq kal ri’”, xcha’ ri Embajador.

Katerenb’exik uya’ik tob’anik ri’

“Katerenb’ex kita’ik ri molaj taq e ajno’chakunel kuk’ ri achijab’ ixoqib’ e ajtijonel ri’, rech uya’ik uchuq’ab’ ri b’anow tijonem ri’ xuquje’ rech kaya’tajik kek’oji pa q’ij kuk’ taq ak’alab’ pa le b’anb’al ketz’anik ruk’ katijoxik ri’, rech eri nan ri’ e kakiya’ kib’ pa le b’anow taq kichak xuquje’ pa taq ri ketijox wiri’” xcha’ ri Gatto.

COMPARTIR