Tajin uqajik uchuq’ab’ ri b’anow k’ax pa Sacatepéquez

284

Eri chak rech b’anow tzukunik kumal e ajchajil tinamit are xub’an ri’ rech xqaj loq chi rij uchuq’ab’ ri b’anow k’ax pa jun 29 por ciento ri’, rumal ri’ xel kan pa le oxlajuj terenb’enik ri’, jeri’ xuya’ ub’ixik ri Ministro rech Gobernación Francisco Rivas Lara, xkub’isaj ub’ixik che xechapataj ri’ e k’i molaj b’anow k’ax che ri kakeleq’aj ch’ich’, kakitoq’ij pwaq chi’ xuquje’ kakib’an kamisan winaq chi’.

Eri nik’aj molaj b’anol k’ax ri’ che ri xechapataj ri’ pa Santa Lucía Milpa Altas, pa San Lucas Sacatepéquez ri’, are chak patan ketajin che ub’anik ri wokajil ajchajil tinamit ri’ xuquje’ rumal ri Ministerio rech Gobernación.

Rumal ri’ eri Rivas Lara xub’ij che we chak ri’ are keterenb’ex na ub’antajil rech uya’ik joremal utzilem chi ke ri winaq tinamit rech Sacatepéque ri’ jeri’ pa ronojel uwach amaq’ ri’, xkub’isaj ub’ixi che k’o na karaj kab’an na.

“Pa le kiraqataj wi ri tinamit Sacatepéquez, kaqeyej kaqaj loq uchuq’ab’ ri b’anow k’ax chi’ xuquje’ are k’isb’al chi ke ri tinamit ri’ katajin uqajik uchuq’ab’ ri b’anow k’ax ri’”, xcha’ ri taqawokajnel ri’.

Eri Nery Ramos y Ramos, k’amal b’e rech ri PNC, xub’ij eri uq’ajik ri b’anow k’ax chi’ are xa’rumal ri chak patan rech ya’olchajinik sib’alaj utz katajin ub’anik chi’ kumal ri wokajil ajchajil tinamit chi’ xuquje’ pa ronojel uya’ik tob’anik chi ke ri winaqilal ri’ rumal k’ut tajin k’o ri kakiya’ loq ub’ixik ri’.

COMPARTIR