Tajin uta’ik kexim pa q’atb’altzij nik’aj winaq kikojom kib’ resaxik wujq’axb’al

96

Pa le q’ij rech k’isb’al junab’ ri’ e k’i le winaq ke’opan che resaxik ri wujq’axb’al pa le jachakunb’al rech esab’al rech rech ri Dirección General rech Migración (DGM), rumal ri’ eri q’atb’altzij tajin kuta chi ke ri winaq che ri ke’esan rech we wujil ri’ rech ma kikoj nik’aj winaq ri’ che resaxik le kiwujil ri’, pa juntir resaxik k’ut le wujilal ri’ che ri ke’opan che resaxik le winaq ri’.

Rumal k’ut uj k’o pa jun uq’ijol e k’iyalaj winaq k’ut ke’opan che resaxik we jun wujilal pa le Jachakunb’al rech Resaxik ri Wujq’axb’al ri’, rumal ri’ k’o pa 1,200 xuquje’ pa 1,300 chi wujq’axb’al pa ronojel q’ij ri’, rumal ri’ kesik’ix konojel ri winaq che ri kakesaj we jun wujil ri’ xaq ma kikoj che resaxik kiwujilal ri’ nik’aj winaq e ajb’anol k’ax pa le resaxik ri’”, xcha’ ri Alejandra Mena, ajtzijolinel rech ri DGM.

Eri Mena rech ri Jachakunb’al rech Resaxik ri Wujq’axb’al ri’ ruk’ utob’anik ri Wokajil Ajchajil Tinamit ri’ (PNC), rech pa le ya’ik chajinik kub’sib’al k’u’x chi ke ri winaq tinamit e aj iximulew ri’, xuquje’ xuya’ ub’ixik che ri winaq kiraqom k’ax chuwi’ kiq’ab’ nik’aj b’anol k’ax ri’ cha kiya’ b’a’ ub’ixik pa le 1518, rech ri Ministerio rech Gobernación, rech katerenb’exik kichapik ri’.

Rumal ri’ eri DGM k’o kajib’ esab’al rech ri’, rech pa aninaqil ri resaxik ri’.

Eri Mena xrechb’ej rech xuna’taj chi ke ri e ajesal rech we wujil ri’ pa nab’e mul, e resaxik we wujq’axb’al are ri winaq ri rajawaxik che kesan rech are kuk’ut ri Uwujilal (DPI) ruk’ jun rachib’al resam b’ik ri’, ruk’ ri Wujil rech boleto rech Ornato ruk’ rachib’al ri’ xuquje’ ruk’ ri tojb’al rech 30 dólares, are wari katoj pa jachakunb’al rech Banrural ri’. Are rech kak’ex ri wuj ok’owinaq chik uq’ij, kuk’am b’ik ri’ le wujil che xta nab’e ri’.

COMPARTIR