Ruk’ uya’ik kiwujilal ri’ pa konojel e k’o b’a’ e b’elejq’o’ wajxaqlajk’al wajxaqlajuj (3 mil 978) k’ak’ eqa’lenelab’, eri Wokajil Ajchajil Tinamit (PNC), kuya’ na uchuq’ab’ ri ya’olchajinik winaql pa taq le tinamit rech Guatemala, Escuintla, Zacapa, Chiquimula, Izabal xuquje’ Petén, rumal wari chi’ k’ut qas kak’ulmataj wi ri b’anow k’ax ri’, jeri’ xuya’ ub’ixik ri k’amal b’e Edwin Mayen ri’.

Pa konojel eri eqa’lenelab’ ri’ xya’taj kiwujil keqale’nib’al pa lunes ri’, rumal xe’ok che e ajno’chakunel pa jun junab’ ri’ pa taq le tijob’al rech Chinab’jul, Cuilapa Santa Rosa xuquje’ pa le uk’u’x tijob’al k’o pa le zona 6 rech pa uk’u’x nimatinamit ri’.

Eri Mayen xuya’ ub’ixik che e k’o oxib’ puq xikitijoj kib’ ri’ are kakiya’o uchuq’ab’ ri chak patan che ri katajin rumal ri wokajil ajchajil tinamit pa ronojel we amaq’ ri’, qas pa taq le rulewal tinamit che qas kab’an wi k’ax ri’, rech kaq’atexik ri’.