Tajin ya’oltzijob’enik chi rij ri k’ax kuya’o rumal utijik awan kunb’alil ri’

213

Are wa’ rech kak’utik chi rij chinaq kakitij ri awan kunb’alil ri’ chi rij taq ri k’ax kuya’o chi ke ri taq ak’alab’ xuquje’ ri e alab’om e alitom ri’, rumal ri’ e k’o 500 eqa’lenel rech ri Subdirección General rech Prevención rech ri delito rech ri Wokajil Ajchajil Tinamit (SGPD-PNC) ruk’ utob’anik ri Embajada rech Estados Unidos, are tzijob’enik kab’an chi rij utijik ri awan kunb’alil chi rij taq ri k’ax kub’an pa kik’aslemal ri e q’apoj alab’om alitom ri’.

Ruk’ ri chochal k’o uka’yem ri’, ruk’ ub’anim junumisab’al xuquje’ uchomab’ail, eri eqa’lenel che keta’m kechakun kuk’ ri taq ak’alab’ xuquje’ kuk’ ri e q’apoj alab’om alitom ri k’o 8 pa 14 kajunab’ rech taq ri tijob’al pa tinamit ri’ rech katzijoxik chi ke ri ri k’ax kuya’o chi ke chinaq kakitub’ij xuquje’ kakitij nik’aj awan kunb’alil ri’.

Eri Arnulfo Pacay rech ri Jachakunb’al rech no’jimnik rech q’atel q’alanik pixb’anik rech ri SGPD, xkub’isaj ub’ixik che chi rij wa’ le cholchak ri’ ri rech b’anow Tijonem xuquje’ Eta’manik rech Majun ke’oj kuk’ nik’aj Pandillas (GREAT, are wa’ ub’i’ pa ingles) xuquje’ rech q’atel b’anow k’ax xuquje’ maj utijik awan kunb’alil ri’  (DARE).

“Eri k’ax man are ta ri ak’ala che ri reta’m ri k’ax kub’an ri awan kunb’alil aretaq katijik, xnae’ are ri’ ronojel rech ub’ixik chi ke ri k’ax kub’an ri’ che chinaq kutij ri awan kunb’alil ri’”, xcha’ ri Pacay.

Eri chak che ketajin che ub’anik ri eqa’lenel ajchajil tinamit are kuk’utu che ri k’ax kuya’o aretaq katijik awan kunb’alil are kuya’ kan ri winaq maj uware ri’, kub’an k’ax utz’umal rumal, kape yab’ilem che xuquje’ k’o nim b’isonem kupetisaj ri’ chinaq kutin ri awan kunb’al ri’.

Pa junab’ir kanoq e k’o 8 mil chi taq ak’alab’ ala ali xuquje’ e q’apoj ri’ xetzijob’exikchi rij ri k’ax kub’an ri’ chinaq kakitiij awan kunb’alil pa ronojel amaq’ ri’.

Eri Cristian Osorio, ajtijonel rech q’atel winaq rech ke’ok taq kuk’ ri Pandillas, xub’ij che ri e ajtijoxel ri’ kakich’ob’ ta ri’ ri k’ax kuya’o chinaq kakitij awan kunb’alil ri’ xuquje’ rumal ri’ are sib’alaj utz we qas kakichomaj kakib’an utz pa le kik’aslemalil ri’,

Eri Osorio xuya’ ub’ixik che ri cholchak DARE are utaqim uya’ik chi ke ri e ajtijoxel rech kaketa’maj kakik’am utzalaj taq b’anow pa kik’aslemal xuquje’ rech maj utijik kumal awan kunb’al, rech kaqaj pa raqan chinaq kakitij tzam xuquje’ sik’, xuquje’ rech kepixb’axik rech kakiq’al kib’ che ub’anik itzel taq b’anow ri’ xuquje’ rech maj b’anow ch’ojinik kumal.

Pa le programa GREAT are taqim kasuk’umaxik ri e ajtijoxel ri’ rech kakinimaj tzij rech ke’ok ta kuk’ ri pandillas xuquje’ rech k’o kaketa’maj utzalaj taq b’anow taqkil pa katinamit ri’. eri cholchak ri’ are k’o waqib’ uwach k’utb’anik kub’an ri’ che pa oxib’ ik’ are rech 45 minutos rech pa jujun b’anow uwach tijonem ri’.