Eri e ajchak ketajin che usolixik usuk’umaxik ri chakub’al rech tz’ajb’al rech ri DPI ri’

68

Are taqim rech kaya’ utzijoxik chi ke ri diputados rech ri Bancada Alianza Ciudadana, chi rij chi rij maja’ katz’aj Kiwujil Winaq ri’ (DPI), Eri Ministro rech Gobernación, are jun uwinaqil chomanel pa le Consejo Directivo rech Tz’ib’am wi’ Kitzijol ri Winaqib’ ri’ (RENAP), xuya’ ub’ixik che ri molaj no’jb’anem chakub’al ri’, eri tz’ajb’al ri’ are e k’o pa uq’ab’ ri Easy Marketing, xa’rumal k’ut katajin rilik rech kesuk’umaxik ri’ rech kekoj pa jumul chik.

“Eri keb’ ajno’jienalb’ kepe pa taq tinamit naj keraqataj chik pa Iximulew ri’ k’a pa sábado kanoq katajin k’ut jun nim eta’b’anik chi rij ri’ xuquje’ are kaya’ na ub’ixik jas pa le ub’antajik k’o ri’ xuquje’ we kamik eri chakub’al ri’ k’o chik waqxaqib’ junab’ katajin pa kojik ri’”, xcha’ ri Rivas Lara.

Are wari’ rech k’o ya’olchajinik rech q’atel k’ax ri’ xuquje’ rech k’o kasuk’umax ri’, are wari’ kakipatanij ri chakub’al rech tz’ajb’al ri DPI ri’ kech ri winaq e aj iximulew ri’.

“Are wari’ ri kaqaj uj kaqachakuj ri’, e k’o chik ri chakub’al quk’, eri b’anow chak ri’ are kamajtaj pa taq nik’aj q’ij ri’ xuquje’ kaqeye’j che naj ta q’ij kumaj ri’, eri chakub’al ri’ qas e are ri’, eri molaj chakub’al kech ri ajchakunel rech, k’o ri’ kematz’ib’ qas rech ri’, are wari’ ketab’ax uwach xuquje’ are kuwok na uwach pa aninaqil ri’, are rech b’a’ kakowinik kutz’aj ri wujilal kech ri winaq e aj iximulew ri’ are wari’ le karaj na”, xcha’ ri taqawokajnel Ya’olchajinik pa Amaq’ ri’.

Eri wujilal ri’

Aretaq xta le tzijol chi rij kitzijol ri winaqil e aj iximulew ri’ che ri keraqataj pa taq nik’aj chik tinamit naj, xub’ij che are wa’ jun toq’ab’al chak ri’ xuquje’ we ri DPI kub’an taj, rajawaxik ri’ kamajtaj rilik chinaq kachakun rech ri’, xuquje’ eri wujq’qaxb’al pa amaq’ are ri’ jun wujil rech tzijol ri’, puq’ab’ chik ri Tribunal Supremo Electoral (TSE) jas le kuchomaj ri are ri’, we kamik ri’ e k’o winaq pa taq tinamit naj , che ri are ri kiwujq’axb’al ketajin che ukojik ri’.

“Are rajawaxik k’ut kaq’alajisaxik che e k’o ri wujilal ri’, che xilotajik chinaq rajawtzij chi rij ri’ xuquje’ are xya’taj pa uq’ab’ ri’ xuquje’ pa jun chik wuqq’ij ri’ k’o pa keb’ mul chik k’o kajach’ na ri’ xuquje’ pa le jun chik wuqq’ij kajach ri oxmul uwach ri’”.

Swiffy Output
COMPARTIR