Eri ya’olchajinik rumal ri Uro’ Viceministerio Antinarcótico pa komonchak ruk’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit ri’ (PNC) ruk’ ri Wokajil Ajchajil Amaq’ Iximulew ri’, pa oxib’ q’ij chik ketajin pa le Aldea El Inmortal, La Independencia, La Libertad, Quipambe xuquje’ La Unión , rech pa juyub’ tinamit rech Tejutla, San Marcos chi’ k’u che resaxik pa 120 peraj taq juyub’ che ri tikom wi ri amapola, xekowin k’ut che resaxik ri’, ruk’ ri chakub’al rech no’jb’anem, jun ch’ich’ are ub’i’ (DROM rech xkoj chi’ rech xilik jas chi’ kopan wi ropanb’al ri awan ichaj che ri xesax ri’.

Pa le okib’al pa le juyub’ tinamit ri’ xraqataj wi kajib’ q’atib’al kumal ri winaq e jaqal chi’ kiq’atim kib’e ri Wokajil Ajchajil tinamit ri’ rech ke’opan ta pa taq ri tiko’m che xopan uqupixik ri’.

Eri Fuerzas Especiales rech ri PNC xkikoj jun nim ya’olchajinik chi’ rech xkijipij ri winaq ri’ xuquje’ rech xekowinik xkiqupij xkesaj ri tiko’n pa taq le peraj juyub’ chi’ pa Tejutla.

Pa le urox q’ij rech ya’olchajinik chi’ xb’antaj kowinem ri’ xqupixik xesaxik 120 uwach peraj ri kapajan ri’ 78,410 Mts 2 ri tikom uwach ri’ junam ruk’ 4 q’inomalil 032 mil 326 raqan ichaj rech amapola xsach uwach chi’ eri rajil pa ronojel are Q. 100 millones ri’.

Xuquje’ xya’taj ub’ixik che k’o keb’ nima’q peraj juyub’ rech marihuana pa le Aldeas El Inmortal xuquje’ la Independencia ruk’ 43 raqan ichaj ri’, eri rajil kab’ixik are Q. 16 mil 125.00.

Eri uchuqsaxik uwach ri ichaj maj pa usaqil ri’ sib’alaj katajin na pa le wuqq’ij ri’ pa le Aldeas rech ri juyub’ tinamit rech Tejutla chi’ k’u ri’ xb’antaj kowinem xraqatajik peraj taq juyub’ che ri naj k’o wi panoq, ri man q’alaj taq kok’ow jun chi uchi’ taq ri b’e chi’, are wari’ xa’b’a’ maltyox che ri chakub’al rech no’jb’anem ilob’al rech ub’i’ Drom che ri k’o ruk’ ri SGAIA ri’.

COMPARTIR