Eri Urox Viceministerio rech Q’atel k’ax xutz’apij uwach ri Tijob’al rech Uxulanib’al Q’ij ri’

446

Aretaq e k’i taq je’lb’anel kuk’ ri e ajjasq’ayinelab’ xetatb’en pa le utz’apixik uwach ri tijob’enik rech pa uxulanib’al q’ij ri’, rumal ri’ eri viceministro rech Q’atel k’ax, Axel Romero, xub’ij “Nimalaj kujk’ikotik ruk’ ri loq’ ilb’anik ri’ ri xtz’apix uwach xa’rumal chi’ k’ut xetatb’en wi e 1400 chi k’ak’al winiaq ri’”.

Xub’ij che ri taq ak’alab’ xuquje’ alab’om alitom are xjach kuwach pa taq waqxaqib’ tijob’al chi’ ri xchakux wi k’iyalaj taq uwach b’anow ri’ pa Escuintla, pa Amatitlán, pa Chimaltenango, pa Villa Nueva, pa Sacatepéquez xuquje’ pa jujun taq utz b’anow ri’ ri k’o utzalaj uwachinik xuya’o xuquje’ are xkojik pa le uk’isik uwach ri ilb’anik taq pa we junab’ ri xb’an pa le wokajil rech Q’atel K’ax pa taq Komonb’al Winaqil ri’, pa le Subdirección rech Q’atel k’ax rech ri PNC ri’ ri katajin che ub’anik utzalaj chak rech kusuk’umaj kik’aslemalil ri taq ak’alab’ xuquje’ ri alab’om alitom ri’ pa taq le kik’ollib’alil ri kak’ulmataj wi k’ax ri’ pa le Nimatinamit Iximulew ri’ xuquje’ pa juntir we amaq’ ri’.

 “Eri uj kojtajin che uchakuxik we nik’aj ilb’anik pa we junab’ ri’ rech rumal b’a’ k’o 134 Escuelas Seguras pa le uwokajil b’anow tijonem ri’, chi’ k’u ri’ eri alab’om alitom ri’ kakik’am nik’aj uwach jamalil ya’talil chi ke xuquje’ chi’ k’u ri’ katzijox wi ri ub’anikil ya’olchajinik winaqil chi ke, eri q’atel rech ri awan kunb’alil ruk’ taq tzam ri’ xuquje’ chi rij ri’ are kachakux uwach rech ya’b’al loq’ob’an ib’ ri’, rech k’amow b’eyanik xuquje’ rech ub’anik k’ak’ che ri k’amow b’e pa utzilem ri’”, xcha’ ri Romero.

E k’o nik’aj chik wokajil kakitun kib’ chi rij ri’

 “Eri uj kaqeye’j pa jun chik junab’ petinaq ri’ e k’o k’i na chik taqawokajil kujkito’o ri’ xa’rumal qas chi la’ k’ut e k’o wi ri cholchak ri kechakuxik ri’, chi’ k’u ri’ k’o wi ri cholb’al chak ri rajawaxik chi ke ri k’ak’al winaq ri’. Rumal ri’ are kqaj qas ke’ok chupam le chak patan ri’ ri viceministerios rech Deportes, rech Cultura, rech Economía, rech Chakunem, rech ri Intecap, are b’a’ rech konojel ketob’anik ri’, xa’rumal k’ut eri uj kojtajin che rilik uch’ob’ik kuwach ri winaqil keraqataj pa k’ax ri’ xuquje’ ri e are rajawaxik keto’ik ri’, rech pa juntir k’ut pa komon junam kab’an ri chak kuk’ ri komon winaqil ri’” xcha’ ri Romero ri’.

Rumal ri’ eri Josselyn Magaly Chiquito k’o jun retal ch’ob’ow uwokom uwach chi rij ub’anikil ukunaxik uwach taq jastaq ri’ pa Sumpango, Sacatepéquez, xub’ij k’ut che sib’alaj karaj kuya’ uq’ij uchak patan pa taq le tijob’al rech uxulanib’al q’ij ri’ xuquje’ xub’ij che sib’alaj je’lalil rilik kub’an che b’anow tijonem chi rij ri b’anow taq achib’al ruk’ ri ukunanib’alil jastaq ri’, xub’ij k’ut che pa le retal b’anow tijonem ri’ k’o k’i uwach taq b’anikil reta’m ub’ixik kub’ano kuya’o.

Che ri gimnasta, aj Chimaltenango ri are, Zaida Macario Mata, eri tatb’enem pa le Tijob’al rech pa Uxulanem Q’ij, are toq’im ukojik rumal ri Escuelas Seguras, rumal ri Tercer Viceministerio rech Q’atel k’ax ri’, are wa’ jun uno’jixik k’o uki’al nab’al rech ri’ xa’rumal k’ut eri alab’om alitom chi’ k’ut qas kakichomarisaj uwach keta’mab’alil ri’ xuquje’ are wa’ naj ke’uya’o wi chi ke ri nik’aj b’anol k’ax ruk’ ri awan kunb’alil ri’, chi’ k’u ri’ xuta wi che qas katerenb’ex b’a’ ruk’ jun loq’ b’anow ri’ pa we junab’ ri’ xuquje’ are kurayij rech katerenb’ex ukojik ri’ pa le reta’maxik jun utzalaj eta’manem pa k’aslemamtzij ri’.