Ri Urox Viceministerio pa komon kuk’ ri Tinamit naj kuchakuj le ch’ob’otal chak rech K’amow ib’ ri’

222

Eri Urox viceministro rech Gobernación, Axel Romero tajin che uchomaxik pa wokajil ruk’ ri Mercy Corps jri proyecto Convivimos, ri tajin kuchomaj rech ukojik ri cholchak rech q’atel b’anoj k’ax pa waqib’ uq’ab’tinamit ri’ le qas k’o nim k’ax tajin kak’ulmataj chi’ pa we amaq’ ri’, rech b’a’ keq’atexik ri molaj b’anol k’ax ri’, rech je ri’ pa jikomal joremal ya’talil ri k’amow ib’ chi’, xuquje’ are rech b’a’ kaya’ nim utzilem chi ke e 500 mil chi achijab’, ixoqib’, ak’alab’ juntir ri’ pa taq 80 komon winaqil k’olib’al ri’, pa le jo’ob’ junab’ kanajtib’ upatanixikri cholchak ri’.

 “Eri upatan we jun ch’ob’otal chak ri’ are jun che ub’anikil le cholchak ri kuya’o tob’anik pa ukojik jun nim ub’eyal ya’olchajinik rech q’atel b’anoj k’ax pa taq le uq’ab’tinamit che e k’amom pa uwokajil ri’” xcha’ ri Romero.

Eri urox Viceministerio are kuk’am ub’e rech kachakux uwach ri jun ch’ob’otal chak ri’, xuquje’ eri cholb’al kachakuxik ri’ are kab’an pa uwokajil upatan ri Wokajil rech Q’atel B’anoj K’ax pa Komonb’al ri’ (UPCV), xuquje’ rumal ri Subdirección rech qa’tel k’ax rech ri PNC.

Eri K’amal b’e rech ri cholchak Convivimos, Peter Loach, xuya’ ub’ixik che ri cholchak ri’ are kutaqij yab’al tob’anik pa le uchak patan ri taqawokaj pa amaq’ ri’, ri q’atb’altzij kuk’ ri komon winaqil pa le rilik uchomaxik jas le kuq’atij ri k’ax xuquje’ jas le ub’anikil uq’atexik ri b’anoj k’ax pa le wokajil qatel rech ri’.

Eri cholchak ri’ are tojom uchak upatan ri’ ruma ri USAID ri k’o $40 millones upwaqil kukoj chi rij ri’ pa Uq’ab’tinamit rech Amatitlán, Villa Nueva, Mixco xuquje’ pa Nimatinamit; are tajin rilik rech ko’ksaxik pa le junab’ petinaq ri’ pa taq uq’ab’tinamit rech Villa Canales, xuquje’ pa San Miguel Petapa.

Eri Tanya Urquieta, K’amal b’e rech USAID, kub’ij che we jun cholchak ri’ are katob’anik pa le tijob’al chuq’ab’ kumal le winaq e aj iximulew pa le uya’ik uchuq’ab’ ri ya’olchajinik ruk’ ri suk’umalil pa we amaq’ ri’.

Eri Viceministro, xumaltyoxij ri tob’anik xuya’ loq le Cooperación Internacional rumal le pwaqil tojb’al kusach pa taq le cholchak rech q’atel b’anoj k’ax xuquje’ pa le uq’atexik le nim k’axk’olil ri’ tajin kak’ulmataj pa we amaq’ ri’.

Swiffy Output
COMPARTIR