Eri Urox Viceministerio kachakun na kuk’ ri e ajpoq’sal chak meb’il rech kakojik ri cholchak rech q’atel k’ax ri’

79

Eri Viceministro rech Q’atel B’anow K’ax, Axel Romero, xemolin kuk’ ri k’amal b’e rech Cementos Progreso, e are ri’ qas kakich’ob’o ri rajawaxik ri jun komonq’ab’ chakunem ri’ rech jun utzalaj ya’b’al ub’anikil k’aslemalil chi ke ri winaq tinamit rech ri zona 6 ri’.

Pa le riqb’al ib’ chomanikri’ xb’an jun k’utb’al chi rij ri cholchak rech q’atel b’anow k’ax ri kojom pa taq le kik’olib’alil kijaqib’al ri winaqilal ri’, pa le reqa’nib’alil ri cholchak rumal ri Fundación Novela, chi’ k’ut ri kakoj wi’ cholchak rech b’ixonem q’ojomab’al, rech etz’anemib’al, rech tijob’al kech nan tat, rech k’uttijonem chi ke ri molajil ixoqib’ ri’ xuquje’ chi ke ri taq e ch’uti’n ak’alab’ ri’, ruk’ wa’ ya’talil ri utzilem ri’ chi ke e 3,500 chi winaqilal ri’.

Eri Luis Chacón, K’amal b’e rech Asuntos Corporativos rech Cementos Progreso, xuya’ ub’ixik che ri e are kakich’ob’o che sib’alaj rajawaxik kab’an jun nim chomanik kuk’ taq ri winaqilal, ri wokajil e ajpoq’sal chak meb’ilal ri’ xuquje’ eri taqawokaj pa amaq’ are rech kukub’isaj uwach jun k’olib’alil ri’ xuquje’ are rech ri winaq pa joremal jikomal kek’oji pa taq le kachoch ri’.

Eri Viceministro Romero xub’ij che kub’an na jun riqb’al ib’ chomanik kuk’ ri e ajpoq’sal chak meb’il ri’ are rech kachomaxik ri ub’eyal ri komon chak kab’anik pa le q’atel b’anow k’ax ri’, ri are ri’ kachomax na pa le komon riqb’al ib’ chomanik kuk’ taq ri komon e ajpoq’sal chak meb’il, kuk’ ri q’atb’altzij xuquje’ ruk’ ri Ministerio rech Gobernación ri’ pa le reqa’lenib’alil ri Urox Vice Despacho xuquje’ ruk’ ri Wokajil Ajchajil Tinamit ri’ are rech b’a’ kakojik jun cholchak rech q’atel b’anow k’ax pa le zona 6 ri’.

 “Eri nab’e uwach chomanik ri’ are rech kakoj pa jumul chik ri komon chak rech kawok uwach jun b’anow ilob’al rech kitatb’enik ri’ rech kach’ob’ik uchomaxik ri k’axk’olil rech chi’ xuquje’ chi rij wa’ kach’ob’ik jaw chi cholb’al chak ri qas utz kakoj pa chakub’al chi’”, xcha’ ri Romero.

Eri Chacón kub’ij eri k’axk’olil ri’ are uya’om ri maj kub’sib’al k’u’x ya’olchajinik ri’ ri rajawaxik qastzij kab’an uchomaxik ri’ xuquje’ rumal ri’ rajawaxik kechb’exik kakojik ri no’jib’al uk’aslemam chik rumal ri’ ri Ministerio rech Gobernación rech kachomaxik ri jun k’ax ri’ xuquje’ rech te k’u ri’ le winaq chi’ pa joremal ki’kotem kek’oji pa le kik’olib’alil ri’.

 “Eri ucholaj ri’ ri uj xaqatzukuj ub’anik xaqariq qib’ kuk’ are rumal xaqilo che k’o jun nim kowinib’al rech kakojik che uchomaxik ri k’axk’olil, eri jun chomanik chi rij ri’ are rumal kaqakojo che are wa’ jun wokajil ri ya’talil wi kojumol ri’ xuquje’ rech kuya’ tob’anik ri’”, xcha’ ri ajpoq’sal chak meb’il ri’.

 

Swiffy Output
COMPARTIR