Eri “Juyub’al Tinamit e Oksam” pa le ch’ob’otal chak rech q’atel b’anoj k’ax ri’

243

Eri uwokajil ri ya’olchajinik rech Centroamérica (ESCA), ri ya’talil rech kakojik kumal ri tinamit rech ri SICA, xkijach uwach ri ch’ob’otal chak ub’i’ “Juyub’ Tinamit e Oksam ri’” rech q’atel b’anoj k’ax kumal taq ri Taqawokaj Tinamit latinoamericanos xkijach ub’anikil ri’ che ri viceministro rech Q’atel B’anoj K’ax rech ri Ministerio rech Gobernación, Axel Romero, are rech kiya’ utzijoxik jas le ub’anik kab’an che ri chak pa taq le cholchak ri’ xuquje’ are k’amom ub’eyal ub’anikil rech loq’ pa jikomal kek’oji le winaq pa kik’aslemal ri’, rech kub’isam ri ya’talil pa le kik’aslemal le winaqilal ri’, eri unimaxik ri ya’talil winaqil xuquje’ ri chomanik rech kajmanem ri’.

Eri ub’ixkil ri’ are utaqim kuq’atij ki’okik ri alab’om alitom kuk’ taq b’anol k’ax ri’, ri qaraj eri b’anoj ch’ojinik pa taq kachoch kuk’ le kachalalil xuquje’ pa taq b’e wa’katem, are ri’ utoq’im utaqixik ri cholchak rech juyub’al tinamit e oksam ri’, ri k’o k’i uwach chomanik uk’amom ri’: le nimanem, le junamil k’utuyeb’al, je ri’ uk’iysaxik kakojik wokajil rech kakipatanij ri uk’iyemal tinamit rech kuya’ kichak winaq ri’.

 “Eri uj kaqato ri chomanik chi rij q’atel nawilin b’anoj k’ax, rumal k’ut are k’o nim kupatanij ke’esaxik ri alab’om alitom pa kiq’ab’ ri molaj taq b’anol k’ax, rumal k’u ri’ katajin uchakuxik ri cholchak ri’ kuk’ taq ri komon winaq ri kiraqom ma’utz taj rumal e b’enaq naj kiya’m kan kachoch ri’ rumal man k’ot kirajil kijastaq ri’”, xcha’ ri Romero.

Ri xuquje’ xub’ij, rumal wari’ kaya’ uchuq’ab’ we jun cholchak ri’, ruk’ le b’enam kab’an pa taq le uq’ab’ tinamit rech Camotán xuquje’ pa Santa Catarina Mita, chi’ k’u ri’ qas k’o wi k’ax chi ke ri alaj taq ak’alab’ kuk’ ri alab’om alitom kumal le b’anol taq k’ax ri’.

Eri Dora Martínez, ajno’jb’anel rech ri jachakunb’al rech Q’atel K’ax pa Wokajil Rulewal ri’, xub’ij k’ut ri are che pa le ch’ab’enik xkib’an pa taq le juyub’ tinamit ri’ are xkiraqo rilik are xkilo che e k’o pa jun nim taqik chi’ rumal ri’ e oksam taj pa le junam ilonik chi ke ri’.

Xuquje’ eri Nery Juárez, ajno’jb’anel rech ri molajchakunem pa Juyub’al Tinamit ri’ rech ri nab’e jachakunb’al, xub’ij k’ut che pa Camotán, k’o ch’ojinik ri’ pa tinamit ri’, je ri’ k’o b’anoj k’ax petinaq pa nik’aj chik tinamit naj, k’o itzelb’anik b’anom chi ke ri alab’om alitom, are wa’ le rajawaxik kab’an uchomaxik ri’ rech ke’oksax pa le utz chomanik kumal le winaq chi’.

Eri cholchak ri’ are tojom uwach rumal ri Unión Europea ruk’ rilonb’al taqom che ri Fondo SICA xuquje’ are chakum rumal le K’amoj b’e Wokajil rech Ya’olchajinik pa Tinamit Winaqil rech ri Secretaria General rech ri SICA.

Pa uk’isb’alil, xchomaxik che k’o jun b’enam ch’ab’enik kb’an pa taq le uq’ab’tinamit ri katajin wi uchakuxik le ch’ob’otal chak ri’, are rech kaki’kotisaxik uwach kikik le winaq e jaqal chi’ pa le q’atel b’anoj k’ax makaj ri’.

Swiffy Output
COMPARTIR