Ruk’ nimalaj sik’ ki’kotemal kow ub’ixik xkib’ij ¡K’aslik nim uq’ij ri Iximulew ri’!, ¡K’aslik nim uq’ij ri Tzoqopib’alil ri’!,  xecha’ rajchak rech ri Dirección General rech Servicios rech Seguridad Privada (DIGESP), ri k’amom ub’e rumal ri k’amal b’e ub’i’ América Estrada Flores aretaq xe’opan pa le Obelisco rech xakitzijo chi’ ri uq’aq’ ri tzoqopib’alil ri’ xuquje’ aretaq naj xeb’in k’ut, xe’opan k’ut pa le kajlajuj kajb’al pa le Nim Rachoch ri Ministerio rech Gobernación ri’.

Aretaq xe’opan ri e 60 e ajkanel chi’ xe’opan k’ut pa le nab’e uwokib’al ri nima ja ri’ xuquje’ te k’u ri’ xkib’ixoj ri loq’ Ub’ixonik Amaq’ Iximulew ri’.

 “Eri uj xaqachomaj je wa’ xaqab’ano xuquje’ xaqamol qib’ qonojel rech xujk’o kuk’ konojel ri winaqil e aj iximulew ri’ rech rok’owisaxik ri unimaq’ij rech kutz’aqatisaj ujunab’ ri qatinamit Iximulew ri’” xcha’ ri Estrada Flores.

Aretaq xuya’ utzijoxik rok’owisaxik we nimaq’ij ri’ eri K’amal b’e ri’ xub’ij che juntir b’a’ rajchak xuquje’ ri k’amal b’e rech ri Mingob’ ri’ kojpa’ konojel ri kechakun pa taq le wokajil rech ri taqawokaj pa amaq’ sib’alaj kakina’o pa kanima’ jun nim loq’oq’em che we amaq’ tinamit ri’ man xaq ta pa we q’ij ri’ xane’ je ri’ pa ronojel taq q’ij pa juntir jun junab’ ruk’ uk’utik qayak’om ronojel qanima’ che ri qachak patan ri’, ruk’ juntir nimab’al ri’, ruk’ ronojel qanima’ ri’, ruk’ juntir qachomab’al ri’.

Swiffy Output
COMPARTIR