E rajchak ri Portuaria Quetzal xechapatajik rumal xe’elaq’ik

247

E k’o ajbinsal ch’ich’, e ajchq’e ch’ich’, e ajesal taq wujil, e k’o ajchak pa jachakunb’al xuquje’ ajchak kib’i’ aduaneros, are taq wa’ xechapatajik kumal eqa’lenelab’ rech ri Wokajil Ajchajil Tinamit (PNC), rumal ri División Especializada rech Investigación Criminal (DEIC) xuquje’ Q’atol trzij rech ri Ministerio Público (MP), pa le tzukunem ya’olchajinik ub’i’ Contenedores Fantasmas, eri xechapik ri’ kab’ixik xe’elaq’ik pa le ub’anikil aduanera ri’.

We chanim e jo’lajuj ajchak ajtob’anel ruk’ ri Portuaria Quetzal, ri e k’o pa taq jalajoj jachakunb’al pa we amaq’ ri’, kab’ixik are wujil man tzij taj are uwujil xkikoj ri’ pa le resaxik b’ik keb’ contenedores rech xkik’am b’ik pa le jun itzelb’anik ri’. Kab’ixik eri pwaq maj pa usaqil xkipoq’saj are Q 4 millones 286 mil ri’.

Eri viceministro rech Seguridad rech ri Ministerio rech Gobernación, Ricardo Guzmán, xuya’ ub’ixik che are k’o kupatanij chi ke ri taqawokajil rech qas kakicha uwach ri ya’el jun utzalaj chak patan ri’.

Xuquje’ xuya’ ub’ixik che ri b’anow chak patan pa le Superintendencia rech Administración Tributaria (SAT), are k’o juntir uwach tob’ab’al chi rij rumal ri Ministerio rech Gobernación ri’ xuquje’ rumal ri MP, “jacha’ b’a’ ri kekowin ri taqawokajil che uchakuxik ri’ qas kakicha uwach ri kakib’an ri’ ronojel taq q’ij rech b’a’ k’o utzalaj taq chak patan kakib’an ri’ pa le kanimaxik ri winaqilal ri’”.

“Eri kaqatoj le tojb’al pwaq ri’ are ya’talil chaqe rech kaqatoq’ij ri chak patan kumal ri taqawokajil ri’ rech kakikoj b’a’ ri pwaqil rech tojb’al chak ri’ pa ujikomal ri’”.

Eri Secretaria General rech ri MP, Mayra Veliz, xuya’ ub’ixik che ri ajchak e tob’anel ri’ man utz ta ri kichak xkib’an ri’, pa le ukojik man tzij taj qas uwujil ri’, xuquje’ eri wujil che ri kojom ri’ xuquje’ ri chupisam pa le nuk’wokaj ub’anikil ub’i’ SAQB’E xuquje’ ri uq’axaxik ri kaxonach’ich’ xaq e rachib’al ri’ uwujil xkikoj chi rij ri’, are rech man xkitoj taj ri tojb’al pwaq ri’.

Eri q’atoj tzij chi rij jun b’anow elaq’nik are k’o 7 xuquje’ 10 junab’ ximb’al chi rij xuquuje’ k’o ri’ jun tojb’al rech pa juntir ri’ le tojom ta ri’.

COMPARTIR