Katajin uya’ik uchuq’ab ri PNC pa Antigua Guatemala

189

Are rech k’o nim ya’olchajinik pa Antigua Guatemala, eri viceministro rech Q’atel k’ax, Axel Romero, ri k’amal b’e rech Investigación Criminal rech ri Wokajil Ajchajil Tinamit, Stu Velasco xuquje’ ri e ajpoq’sal pwaqil meb’il rech pa Nimatinamit la’, xkimol kib’ pa keb’ mul chik ri’ rech ya’b’al uchuq’ab’ kichak kipatan ri e ajchajil tinamit ri’.

Eri tob’anik che ri kakiya’ ri’ ri e ajpoq’sal meb’ilem ri’ rech Antigua Guatemala che ri Wokajil Ajchajil Tinamit (PNC) are kakiya’ ri’ kejach’ich’, xuquje’ radiopatrulas xuquje’ kakisuk’umaj upam uwach ri comisaría k’o chi la’ ri’.

Are wari’ rech b’a’ eri eqa’lenelab’ e ajchajin tinamit kakiterenb’ej ub’anik jun utzalaj chak patan ri’, jeri’ xkiya’ ub’ixik loq ri e ajpoq’sal meb’ilem ri’ e antigüeños ri’.

Eri Antigua Guatemala ri’ are jun chi ke jun nim k’olib’em rech kiwa’katib’al winaq ri’ k’o pa we amaq’ ri’, rumal ri’ eri viceministro Romero, xuya’ ub’ixik che pa wuqq’ij ri’ kemolin chik ri’ rech kachomaxik ri jun nim ya’olchajinik pa le nimatinamit la’.

“Eri k’ayij chi’ ketob’anik na kuk’ ri PNC rech uya’ik kiwa kirikil ri’ pa taq b’anow wa’ik ri’ xuquje’ kakiya’ ri’ rech kakoj ri kik’olib’em ri’, k’a kaya’taj na kichuq’ab’ ri chakub’alil rajawaxik chi ke rech kakib’an ya’olchajinik pa Antigua Guatemala ri’”, xcha’ ri Romero.

Xuquje’ eri chak ri’ are kab’an pa komon kuk’ taq ri gobernadores rech kawok uwach jun no’jk’aslemal rech keto’ik ri PNC xuquje’ ri Ministerior rech Gobernación ri’, xcha’ ri viceministro Romero.

COMPARTIR