Pa jun ya’olchajinem tzukunik pa komon kumal ri Molaj Q’atinel B’anoj k’ax chi ke winaq ri’ rech ri Subdirección General rech Investigación Criminal (SGIC) rech ri Wokajil Ajchajil Tinamit ri’ xuquje’ rumal ri Ministerio Público rumal ri’ xb’antaj kowinm xkesaj e 18 ak’alab’ pa kiq’ab’ nik’aj b’anoj k’ax chi ke ri’.

Chi rij ri’ eri Viceministro rech Ya’olchajinem ri’ Ricardo Guzmán xub’ij che xb’antaj kowinem xe’esaxik pa k’ax ri jumolaj ak’alab’ ri’ rumal ri jun nim tzukunik xb’an chi kij ri’ ri katajin na rech keq’atexik ri nuk’wokaj b’anol k’ax chi ke, rumal ri’ kuya’ jun nim sik’inik chi ke ri winaq tinamit rech kakiya’ ta b’ik ri kalk’uwal chi ke nik’aj chik winaq ri e b’anol k’ax ri’ chi ke.

 “Eri ak’alab’ xuquje’ ri e alab’om alitom ri’ are rajawaxik ke’ilik kechajix ri’, rumal ri’ kinya’ jun nim sik’inik chi ke ri kitat nan rech kakichajij ri kalk’uwal ri’ xuquje’ rech man kakiya’ ta b’ik chi ke winaq e b’anol k’ax ri xa’ kakimin pa chak ri maj pa usaqil ri’, xcha’ ri taqawokajnel ri’.

Eri taq ak’alab’ ri’ xe’esax pa k’ax ri’ xejach b’ik ri’ pa uq’ab’ ri Nim Q’atb’altzij rech Amaq’il kuk’ ri e ajtzukunelab’ rech ri PNC ri’, rech ketzalix b’ik pa kiq’ab’ ri kitat nan ri’.

Eri ak’alab’ xb’an k’ax chi ke eri kijunab’ are jun k’a pa wuqlajuj ri’, ri kepe pa Quiche’ xuquje’ pa Tzoloja’, ri taqom pa chak maj pa usaqil rumal jun ri’j winaq ri’ ri karechb’ej e taqal na, rech ke’utaq b’ik rech kakita pwaq uxo’l taq ja xuquje’ pa semáforos ri’.

Eri tzukunik are xb’antajik pa le 4ª avenida ruk’ 1ª calle rech ri zona 9 xuquje’ pa 3ª avenida ruk’ 26 calle rech ri zona 1 ri’

Swiffy Output
COMPARTIR